جغرافیے اور سیکیورٹی چیلنجز کے باعث بڑے پیمانے پر بلوچستان میں فوجی تعیناتی ناگزیر ہے، خواجہ آصف
وزیر دفاع خواجہ آصف نے قومی اسمبلی میں خطاب کرتے ہوئے کہا ہے کہ بلوچستان کے وسیع اور دشوار گزار جغرافیے کے باعث وہاں بڑے پیمانے پر فوجی اہلکاروں کی تعیناتی ناگزیر ہے۔ انہوں نے اسمگلنگ، علیحدگی پسند عناصر، دہشت گردی اور احساسِ محرومی کے بیانیے پر تفصیلی روشنی ڈالی اور کہا کہ سرداری نظام اور جرائم پیشہ گروہوں نے صوبے کے وسائل کو نقصان پہنچایا ہے۔
جے یو آئی خواتین نشست پر الیکشن کمیشن فیصلہ، صدف احسان کی رکنیت برقرار
الیکشن کمیشن آف پاکستان نے جے یو آئی (ف) کی خواتین کی مخصوص نشست کے معاملے پر حتمی فیصلہ سناتے ہوئے حنا بی بی کی درخواست مسترد کر دی، جس کے بعد صدف احسان کی قومی اسمبلی کی رکنیت برقرار رہے گی۔
قومی اسمبلی کی کمیٹی کی سفارشات: بارہ ربیع الاول پر پارلیمانی وفد کو روضۂ رسول ﷺ بھیجا جائے گا
قومی اسمبلی کی قائمہ کمیٹی برائے مذہبی امور نے وزارت مذہبی امور کو تحریری سفارشات ارسال کی ہیں کہ ہر سال بارہ ربیع الاول کے موقع پر دس رکنی پارلیمانی وفد کو سرکاری خرچ پر مدینہ منورہ اور مکہ مکرمہ بھیجا جائے تاکہ وفد روضۂ رسول ﷺ پر حاضری دے اور پاکستانی عوام کی جانب سے درود و سلام پیش کرے۔ وفد کے قیام، خوراک، رہائش، ٹرانسپورٹ اور طبی سہولتیں بھی سرکاری ذمہ ہوں گی۔
پارلیمنٹ کا مشترکہ اجلاس آج، پیپلز پارٹی کی شرکت، اہم قانون سازی متوقع
پارلیمنٹ کا مشترکہ اجلاس آج طلب کر لیا گیا ہے جس میں پاکستان پیپلز پارٹی بھی شرکت کرے گی، اجلاس میں اہم قانون سازی متوقع ہے جبکہ ن لیگ اور پیپلز پارٹی کے تحفظات مشاورت سے دور کر لیے گئے ہیں۔
قومی اسمبلی سے الیکشنز ایکٹ 2017 میں بڑی ترمیم منظور، فیڈرل آئینی عدالت کو مرکزی کردار مل گیا
قومی اسمبلی نے الیکشنز ایکٹ 2017 میں اہم ترامیم منظور کر لیں، جس کے تحت فیڈرل آئینی عدالت کو انتخابی اپیلوں اور قانونی تشریح کا اختیار حاصل ہو گیا۔
محمود خان اچکزئی اپوزیشن لیڈر مقرر، قومی اسمبلی میں قائد حزب اختلاف کا نوٹیفکیشن جاری
اپوزیشن اتحاد تحریک تحفظ آئین پاکستان کے رہنما اور پشتونخوا ملی عوامی پارٹی کے سربراہ محمود خان اچکزئی کو قومی اسمبلی میں قائد حزب اختلاف مقرر کر دیا گیا، جس کا باضابطہ نوٹیفکیشن جاری کر دیا گیا ہے۔
پیپلز پارٹی کا احتجاج، حکومت کا صدرِ مملکت کے دستخط کے بغیر اسپیشل اکنامک زون آرڈیننس واپس لے لیا
قومی اسمبلی میں پیپلز پارٹی کے احتجاج کے بعد وزیراعظم ہاؤس نے اسپیشل اکنامک زون آرڈیننس واپس لے لیا۔
فرخ کھوکھر کی گرفتاری پر جے یو آئی کا شدید ردعمل، حکومت سے کارروائی کا مطالبہ
جے یو آئی نے فرخ کھوکھر کی گرفتاری کی مذمت کرتے ہوئے حکومتی افسران کے خلاف کارروائی کا مطالبہ کیا ہے۔
قومی و پنجاب اسمبلی کی 13 نشستوں پر ضمنی انتخابات، سخت سیکیورٹی میں پولنگ جاری
قومی اسمبلی اور پنجاب اسمبلی کی 13 نشستوں پر ضمنی انتخابات سخت سیکیورٹی کے درمیان صبح 8 بجے شروع ہوئے جو شام 5 بجے تک جاری رہیں گے۔ زیادہ تر نشستیں اس وقت خالی ہوئی تھیں جب پی ٹی آئی کے وہ اراکین نااہل قرار پائے جنہیں عمران خان کی گرفتاری کے بعد 9 مئی 2023 کے پُرتشدد واقعات میں مبینہ ملوث ہونے پر سزائیں دی گئی تھیں۔
صدر آصف علی زرداری نے آرمی، ایئر فورس اور نیوی سے متعلق 3 اہم بلوں کی منظوری دے دی
صدر آصف علی زرداری نے مسلح افواج سے متعلق تین اہم ترمیمی بلوں—پاکستان آرمی، پاکستان ایئر فورس اور پاکستان نیوی (ترمیمی) بل 2025—کی منظوری دے دی ہے۔ ان ترامیم کے تحت چیف آف دی آرمی اسٹاف کے عہدے کو ’’چیف آف دی ڈیفنس فورسز‘‘ میں تبدیل کر دیا گیا ہے جبکہ فوجی قیادت کے نئے اسٹرکچر، اسٹریٹجک کمانڈ کی تشکیل اور اعلیٰ عہدوں کی مدتِ ملازمت کے قواعد بھی ازسرِنو مرتب کیے گئے ہیں۔