تحریر : شاہنواز خان

آپریشن بنیان مرصوص کی بہترین جنگی حکمت عملی اپنانے اور بھارت کو ذلت آمیز شکست سے دوچار کرنے پر وفاقی حکومت نے سپہ سالار جنرل سید عاصم منیر کو فیلڈ مارشل کے عہدے پر ترقی دیدی ہے  جبکہ ایئر چیف مارشل ظہیر احمد بابر سدھو کو مدت ملازمت پوری ہونے پر بھی ان کی ملک کیلئے خدمات جاری رکھنے کا فیصلہ کر لیا گیا ہے۔ بھارت کیخلاف جنگ کے دوران گرانقدر خدمات سر انجام دینے والے افواج پاکستان کے افسران،جوانان،غازیان اور سول شہریوں کو اعلیٰ سرکاری ایوارڈ سے نوازا جائیگا،وزیراعظم شہباز شریف کی زیر صدارت وفاقی کابینہ کے اجلاس میں ان بڑے فیصلوں کی متفقہ منظوری دی گئی ہے، قبل ازیں وزیراعظم نے صدر مملکت آصف علی زرداری کو ان فیصلوں پر اعتماد میں لیا ہے۔پاکستان اور بھارت قبل ازیں بھی تین جنگیں لڑ چکے ہیں مگر 10مئی 2025 ملکی تاریخ کا وہ ناقابل فراموش اور قابل فخر دن بن چکا ہے،جب افواج پاکستان نے اپنے سے 5گنا بڑی فوجی طاقت بھارت کا گھمنڈ خاک میں ملا دیا  اور جارح پسند بھارتی وزیراعظم ناک رگڑنے پر مجبور ہوا۔ افواج پاکستان نے بھارت کو ذلت آمیز شکست سے دوچار کیا۔ دشمن نے ایک گھنٹے میں مکمل طور پر گھنٹے ٹیک دیئے۔فاشسٹ مائنڈ سیٹ کی ہندوتوا بھارتی حکومت نے جنگ رکوانے کیلئے دنیا کی سپر پاور امریکا کی منت سماجت کی امریکی مداخلت اور درخواست پر پاکستان جنگ بندی روکنے پر آمادہ ہوا جبکہ عالمی میڈیا اور دنیا بھر کے دفاعی ماہرین نے بھارت کی  شکست اور پاکستان کی جیت کا ببانگ دھل اعلان اور اعتراف بھی کیا ہے۔ اس امر میں کچھ شک نہیں کہ حکومت کا 1971کی جنگ کا بدلہ لینے پر آرمی چیف کو فیلڈ مارشل کےعہدے پر ترقی دینا لائق تحسین اقدام ہے اور آرمی چیف اس کے حقیقی اہل بھی ہیں، حکومت کا یہ فیصلہ اس بات کا غماز ہے کہ زندہ قومیں اپنے محسنوں،شہدا اور غازیوں کی خدمات کو فراموش نہیں کرتیں۔ پاک  بھارت جنگ میں غیر معمولی جرآت اور بہادرانہ فیصلے کر کے اور افواج پاک کو فرنٹ سے لیڈ کر  کے فیلڈ مارشل نے دنیا کی جنگی تاریخ کا نقشہ ہی بدل ڈالا ہے۔دنیا حیران ہے افواج پاکستان نے کس قدر ہمت،جرآت،عزم و  بلند حوصلے سے اپنی جنگی برتری کو منوا یا ہے ا سپر قوم کو فخر کرنا بنتا ہے بیشک اتنی بڑی کامیابی اللہ تعالیٰ کی حمایت کے بغیر ممکن نہ تھی۔
دین اسلام اور رہتی دنیا تک کیلئے ہدایت کی آخری کتاب کلام اللہ میں واضح اور کھلا حکم ہے کہ ظالم کیخلاف تلوار اٹھاو اور مد مقابل کئی گنا بڑی طاقت سے مت گھبرانا۔ ظلم،طاغوت اور جبر کی حکومتوں اور ممالک کیخلاف  جہاد فی سبیل اللہ کرو۔  پاک بھارت معروضی حالات کا بغور غائر جائزہ لیا جائے تو صاف عیاں ہو گا کہ انڈیا میں جب سے آر ایس ایس نظریے کی پر چارک بی جے بی کی جنونی مودی حکومت مسلط ہوئی ہے تو اس نے خود کو خطے کا تھانیدار سمجھ کر آس پڑوس کے ممالک میں در اندازی اور بد معاشی کو روایت بنا لیا تھا۔ بمگلہ دیش ہو یا بھوٹان ہو یا نیپال ہو کہ مالدیپ ہندوتوا بھارتی حکومت نےہرجگہ دست اندازی کی ہے۔جنونی شخص نریندر مودی بڑی فوجی قوت کے زعم میں مبتلا ہو چکا تھا۔مسلمان دشمنی ا سکا سیاسی اثاثہ اور قوت ہے۔ تکبر اور غرور کے نشے میں سر شار مودی شاید زمینی خدا بن بیٹھا تھا اسی گھمنڈ اور غرور میں وہ8اور 9مئی  کی شب پاکستان پ رچڑھ دوڑا تھا جس کے جواب میں
پاکستان کی فضائیہ نے چار5 گھنٹوں میں ہی مودی کا غرور ملیا میٹ کر دیا ہے جس کے بعد گودی میڈیا کو بھی سانپ سونگھ گیا ہے،اب تک صورتحال میں جو عالمی طاقتیں محض تماشائی بنی ہوئی تھیں وہ یکدم حرکت میں آ گئیں اور اپنے حلیف کو بچانے کیلئے  سر گرم ہوئیں۔اب سوال یہ اٹھتا ہے کہ جب پاکستان نے عالمی سفارتی کوششوں سے تنازع نمٹانے اور بھارت کو جنگ سے روکنے کی کوششیں کی تھیں تو اس وقت امریکا ،جرمنی۔برطانیہ کہاں سوئے ہوئے تھے،امریکا نے بھی بھارت کو کھلی چھٹی دی ہوئی تھی کی وہ خود ہی جج بنے اور خود ہی فیصلہ سنا دے،پاکستانی فورسز کے ہاتھوں جب ان کا علاقائی تھانیدار پٹ گیا تو عالمی طاقتوں کو امن کی یا دآ گئی ہے۔ ایسا کیونکر ہے اور کب تک برداشت کیا جائیگا؟ بہر کیف دیر آید درست آید  کے مترادف  امریکا کی ثالثی میں جنگ بندی پر اتفاق خوش آئند ہے، عالمی طاقتوں اور صاحب بہادر امریکا کو چاہئے کہ وہ  سیز فائر کو مستقل بنائیں اور بھارت کو جارحیت کا ذمہ دار ٹھہرا کو اس کی جوابدہی کی جائے تاکہ وہ پھر سے علاقائی امن و استحکام کو جنگ کے شعلوں میں دھکیلنے سے باز رہے ، یہ نہ صرف پاکستان بھارت،جنوبی ایشیا بلکہ پوری دنیا کے مفاد میں ہے۔بھارت حکومت اور فاشسٹ ذہنیت کے وزیراعظم نریندار مودی سے اب بھی کسی خیر کی توقع نہیں کی جاسکتی۔ حکومت پاکستان نے فیلڈ مارشل،ایئر چیف مارشل اور افواج پاکستان کے جوانوں کو عزت افزائی کی  ہے وہ بلاشبہ اس کے جائز حقدار ہیں،وزیراعظم پاکستان،افواج پاکستان اور وطن عزیز  کے ارباب اختیارات کو بھارت کی ازلی  مکارانہ چالوں  اور ریشہ دوانیوں کا بھی بر وقت اور بر محل توڑ سوچ لینا چاہئے اور کچھ شک بھی نہیں کہ حکومت اور افواج ہرسازش اور ریشہ دوانیوں کا ادراک رکھتی ہیں،عالمی طاقتوں کو بھی جارح ملک بھارت کو مسئلہ کشمیر،پانی اور دیگر تنازعات کے حل پرمجبور کر نا چاہئے کی یہی امن ،ترقی اور خوشحالی کا واحدراستہ ہے۔