تحریر:  محمد فیصل فانی

Freedom of speech / آزادی اظہار رائے 

 کسی بھی معاشرے کی ترقی کا مدار کراس تھینکنگ پر ہوتا ہے۔ اگر کوئی معاشرے یک جہت سے سوچتا  رہے۔ اس کی ترقی کی منازل کا سفر سست ہو جاتا ہے۔ وہ چلنا چاہے بھی نئے طرق سے نا آشنا ہوتا ہے۔ وہ ایک راستے پر چلتا رہتا ہے۔ جتنے کسی معاشرے میں قیمتی اذھان زیادہ ہوں گئے۔ اتنے ہی وہاں پر نقاد زیادہ پیدا ہوتے ہیں۔ یہ ناقدین ہی ہوتے ہیں۔ جو بلا کسی دباؤ کو خاطر میں لائے معاشرے کی برائیاں بیان کرتے ہیں۔ اس طرح ایک کام کو کرنے کے مختلف طریقے منظر عام پر آتے ہیں۔ لوگ ان میں اے اچھی باتوں کو پک کرتے ہیں۔ لیڈر رائے عامہ کو ہموار کرتے ہیں۔اور مقتدر لوگ اگر اھل شعور میں سے ہوں۔ تو ان میں سے درست نقاط کو زیر بحث لاتے ہیں۔ معاشرے میں اس پر عمل کو یقینی بناتے ہیں۔ 
                    لیکن ہمارے معاشرہ اس کے برعکس ہے۔ جہاں ان کی درستگی یا اصلاح کی جائے مصلح کو پابند سلاسل کر دیا جاتا ہے۔ اہنے غلط کاموں پر اتنے جری ہو چکے ہیں۔ یہ اس شعر کے مصداق لگتے ہیں۔    
    ممکن نہیں ہے مس تیرا نوٹس نہ لیا جائے
       کال ایسے پریزاد ہوں کس نہ لیا جائے 
      مطلب یہ ہوا کہ انسان ہونے کے ناطے جتنی بھی حدود کو پھیلانگا جائے۔ لیکن اس پر کوئی بات بھی نہ کرے۔ حالانکہ حدیث پاک میں اس کے برعکس ہے۔ 
              حَدَّثَنَا أَبُو بَکْرِ بْنُ أَبِي شَيْبَةَ حَدَّثَنَا وَکِيعٌ عَنْ سُفْيَانَ ح و حَدَّثَنَا مُحَمَّدُ بْنُ الْمُثَنَّی حَدَّثَنَا مُحَمَّدُ بْنُ جَعْفَرٍ حَدَّثَنَا شُعْبَةُ کِلَاهُمَا عَنْ قَيْسِ بْنِ مُسْلِمٍ عَنْ طَارِقِ بْنِ شِهَابٍ وَهَذَا حَدِيثُ أَبِي بَکْرٍ قَالَ أَوَّلُ مَنْ بَدَأَ بِالْخُطْبَةِ يَوْمَ الْعِيدِ قَبْلَ الصَّلَاةِ مَرْوَانُ فَقَامَ إِلَيْهِ رَجُلٌ فَقَالَ الصَّلَاةُ قَبْلَ الْخُطْبَةِ فَقَالَ قَدْ تُرِکَ مَا هُنَالِکَ فَقَالَ أَبُو سَعِيدٍ أَمَّا هَذَا فَقَدْ قَضَی مَا عَلَيْهِ سَمِعْتُ رَسُولَ اللَّهِ صَلَّی اللَّهُ عَلَيْهِ وَسَلَّمَ يَقُولُ مَنْ رَأَی مِنْکُمْ مُنْکَرًا فَلْيُغَيِّرْهُ بِيَدِهِ فَإِنْ لَمْ يَسْتَطِعْ فَبِلِسَانِهِ فَإِنْ لَمْ يَسْتَطِعْ فَبِقَلْبِهِ وَذَلِکَ أَضْعَفُ الْإِيمَانِ
           ابوبکر بن ابی شیبہ، وکیع، سفیان، محمد بن مثنی، محمد بن جعفر، شعبہ، قیس بن مسلم، حضرت طارق بن شہاب سے روایت ہے کہ عید کے دن سب سے پہلے نماز سے قبل جس شخص نے خطبہ شروع کیا وہ مروان تھا ایک آدمی کھڑا ہو کر مروان سے کہنے لگا کہ نماز خطبہ سے پہلے ہونی چاہیے مروان نے جواب دیا وہ دستور اب چھوڑ دیا گیا ہے حاضرین میں سے ابوسعید (رض) بولے اس شخص پر شریعت کا جو حق تھا وہ اس نے ادا کردیا اب چاہے مروان مانے یا نہ مانے میں نے خود رسول اللہ (صلی اللہ علیہ وآلہ وسلم) کو فرماتے سنا کہ جو شخص تم میں سے کوئی بات شریعت کے خلاف دیکھے تو وہ ہاتھ سے اس کو بدل دے اگر ایسا ممکن نہ ہو تو زبان سے ایسا کرے اگر یہ بھی ممکن نہ ہو تو دل سے ہی اس کو برا جانے مگر یہ ضعیف ترین ایمان کا درجہ ہے۔ 
(صحیح مسلم : جلد اول :  حدیث 179) 

  ان کی ذہنی صلاحیت اس بچے کی طرح ہوتی ہے ۔ جو گھرطمیں غلط کام بھی کرے مگر ڈانٹ کسی اور کو پلائی جاتی ہے۔ تاکہ یہ امیر باپ کی بگڑی اولاد کی عزت نفس مجروح نہ ہو۔ اور اسکی غلط بات کو بھی درست ثابت کیا جاتا ہے۔ لیکن یہاں پر معاملہ اس سے بھی بڑھ کر ہے۔ یہاں ایک طرف فریڈم آف سپیچ کے نعرے آلاپے جاتے ہیں جبکہ دوسری طرف پابندی لگا دی جاتی ہے۔ 
اپنی دھی سکولوں ہٹا دے
اُتھے ڈانس کردی پئیے اے
            بہتے ایام کے جھرنے میں چند ماہ قبل ایک تنقیدی نظم ترنم کا سوز لیے کانوں سے ٹکرائی۔ جس کا اختصارا مفہوم بیان کیاجائے تو ہمارے تعلیمی نظام کی بدکرداریوں پر گرفت کی گئی تھی۔ اس نسل میں کوئی بھی ذی شعور پیادہ دنیاوی تعلیم کی اہمیت کے پیش نظر اس کا انکاری نہیں ہے۔ یقیناً یہ نسل نوع کی بنیادی امنگوں میں سے ایک ہے۔ اور اس نسلِ مسلم کی ترقی میں پیش بہا خدمات سرانجام دیں ہیں۔ عقل سے عاری شخص ہی اسکا انکار کر سکتا ہے۔ 
          مگر اس کے ساتھ ساتھ اس نے بہت ساری خرافات کو بھی جنم دیا ہے ۔ جس میں سرفہرست فحاشی و عریانی کے داعی اسباب کی کھلم کھلا تبلیغ اور اس کا عملی زندگیوں میں نفوذ کے عمل اقدام ہیں۔ ایک مذہبی اور روایتی معاشرے کو قتل کرنے کے ترادف یہ اقدام ہیں۔ مسئلہ، تعلیم اور اس کے نصاب سے نہیں ہے۔ بلکہ ان کے چونگے میں ملنے والی طوفان بدتمیزی سے ہے۔ چاہیے تو یہ تھا۔ اس کے خلاف عملی اقدامات کیے جاتے تاکہ تعلیم کا پاکیزہ فریضہ اس وجہ سے دوش کا مجرم نہ ٹھہرتا، مگر عقل سے پیدل افراد کی قلت ہی کہاں اس معاشرے میں؟ انھوں نے اس نظام کے خلاف آواز اٹھانے والوں کو ہی پابند سلاسل کرنا شروع کر دیا۔ نہ رہے بین نہ بجے بانسری
                     طرز تنقید سے عدم اتفاق کیا جا سکتا ہے۔ مگر ان خامیوں کو سخت الفاظ کی چادر میں لپیٹ کر نقادین کا راستہ بند کرنا عقل سے ماوراء ہے۔ حالانکہ کے معاشرتی برائیوں پر تنقید کرنے والوں کو اس قوم میں ہیرو کی حثیت حاصل ہے۔ اپنی مرتبہ فریڈم آف سپیچ کا سہارا لیا جاتا ہے۔ مگر اب یہ سارے ترازو اپنے توازن کیوں کھو جاتے ہیں؟؟ یہ سوال ہمیشہ قائم رہے گا۔