تحریر:  محمد فیصل فانی

    الحاد کے اسباب میں سے سب سے اہم سبب یہ ہے۔ انسانوں میں اپنے نفس کی پیروی کرنے والے دو طرح کے ہوتے ہیں۔ ایک تو وہ ہیں جو مطلقاً اسلام کا انکار کرتے دوسرے وہ ہیں۔ جو بظاہر تو مسلم ہوتے ہیں۔ بس اپنے نفس کی پیروی مین حرام کو حلال بنا دیتے ہیں۔ حالانکہ کہ نصوص اس کے برعکس کہہ رہی ہوتیں ہیں۔ کہ انسان اپنی خواہشات کی پیروی کرتے ہوئے۔ کسی بھی پابندی کا انکار کرتا ہے۔ وہ پابندی مذہبی سلام کی طرف سے ہو یا یہودیت عیسائیت یا ہندو ازم کی طرف سے ہو ۔ وہ ہر چیز سے آزاد ہو کر رہنا چاہتا ہے۔ جب چاہے جو چاہے جیسے چاہے وہ کرے۔ اس پر کسی قسم کی قدغن اور پابندی نہ ہو ۔  لیکن ایسا معاملہ کرنے سے انسان معاشرتی امن بھائی چارے محبت و اتفاق اور بہت سارے چیزوں کو کھو دیتا ہے۔ کیونکہ اگر انسان اپنی ہی مرضی سے جینا شروع کر دے۔ 
دوسروں کے حقوق کا خیال نہ رکھے تو بہت ساری پریشانیاں جنم لیتی ہیں۔ اسی لیے رب تعالی نے جابجا ہمیں اپنے خواہشات کی پیروی کرنے سے منع فرمایا۔ ہے۔ تا کہ نہ ہم صرف رب تعالی کے قانون کے مطابق چل سکیں۔ بلکہ معاشرہ بھی امن و اتفاق کا گہوارہ بن سکے جیسا کہ رب تعالی کا ارشاد گرامی القدر ہے۔
بھلا دیکھو تو وہ جس نے اپنی خواہش کو اپنا خدا ٹھہرالیا اور اللہ نے اُسے با وصف علم کے گمراہ کیا اور اس کے کان اور دل پر مہر لگادی اور اس کی آنکھوں پر پردہ ڈالا تو اللہ کے بعد اُسے کون راہ دکھائے تو کیا تم دھیان نہیں کرتے۔
اور ارشاد فرمایا کہ نفسانی خواہشات کی پیروی کرنے والے کے کان اور دل پر مہر لگادی اور اس کی آنکھوں  پر پردہ ڈال دیاتو اس کی وجہ سے اس نے ہدایت و نصیحت کو نہ سنا ، نہ سمجھا اور نہ ہی راہِ حق کو دیکھا،تو اللہ تعالیٰ کے گمراہ کرنے کے بعد اب اسے کوئی راہ نہیں  دکھا سکتا،تواے لوگو!کیا تم اس سے نصیحت حاصل نہیں کرتے؟۔
  تو اس ایت مقدسہ میں یہی بتایا گیا ہے بعض لوگ ایسے ہیں۔ وہ اپنی خواہشات کو نفسانی چاہت کو خدا بنا لیتے ہیں یعنی ان کے پاس کوئی رہنمائی نہیں ہوتی جو دل میں اتا ہے اسی کی وہ پیروی کرنا شروع کر دیتے ہیں اسی طرح اور ب سے مقامات پر خواہشات نفس پر چلنے سے منع کیا گیا ہے جیسا کہ رب تعالی نے اس کی مذمت بیان فرمائی ہے جیسے
ترجمۂ کنزُالعِرفان: اور اس سے بڑھ کر گمراہ کون جو اللہ کی طرف سے ہدایت کے بغیر اپنی خواہش کی پیروی کرے۔
 اور ارشاد فرماتا ہے:
ترجمۂ کنزُالعِرفان: اور نفس کی خواہش کے پیچھے نہ چلنا ورنہ وہ تجھے اللہ کی راہ سے بہکادے گی بیشک وہ جو اللہ کی راہ سے بہکتے ہیں  ان کے لیے سخت عذاب ہے اس بنا پر کہ انہوں  نے حساب کے دن کو بھلا دیا ہے۔
اور ارشاد فرماتا ہے:
ترجمۂ کنزُالعِرفان: اور اس کی بات نہ مان جس کا دل ہم نے اپنی یاد سے غافل کردیا اور وہ اپنی خواہش کے پیچھے چلا اور اس کا کام حد سے گزر گیا۔
اپ نے درج بالا آیات سے اندازہ لگایا ہوگا کہ ہمیں نفس کی پیروی کرنے سے سختی سے منع کیا گیا ہے تاکہ ہم اپنے خواہشات کے سامنے مغلوب ہو کر خدا کا انکار نہ کر بیٹھے انسان فطرت ایسا بنایا گیا ہے جو ہمیشہ آسانی کو چاہتا ہے۔ سہل پسندی اس کی طبیعت کا میلان کا مرجع بنتی ہے۔ کبھی کبار وہ اتنا گر جاتا ہے۔ کہ وہ دوسروں کے حقوق کا خیال بھی نہیں رکھ پاتا اسی طرح بہت ہی بہت سی احادیث مبارکہ میں بھی اس سے منع کیا گیا ہے یا اس کی مذمت بیان کی گئی ہے جس کا ادراک چند احادیث مبارکہ کو ملاحظہ کرنے کے بعد اپ بخوبی کر سکتے ہیں جیسا کہ
(1)…حضرت اَنَس بن مالک رَضِیَ اللہ تَعَالٰی عَنْہُ سے روایت ہے،سرکار ِدو عالم صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا:’’تین چیزیں  ہلاکت میں  ڈالنے والی ہیں ۔(1)وہ بخل جس کی اطاعت کی جائے۔ (2)وہ نفسانی خواہشات جن کی پیروی کی جائے۔(3)آدمی کا اپنے آپ کو اچھا سمجھنا۔ (شعب الایمان، الحادی عشر من شعب الایمان۔۔۔ الخ، ۱ / ۴۷۱، الحدیث: ۷۴۵)
تو  اس سے ہمیں یہ بات سمجھ آتی ہے اگرچہ اسلام عقل کے سب سے قریب مذہب ہے۔ مگر اس کا یہ مطلب ہر گز نہیں۔ ہم اسکی من مانی تشریحات کرنی پڑیں۔ صرف ظاہری نصوص دیکھ کر ہم عمل شروع کر دیں۔ اسلام کو سمجھنے کے لیے بھی نفس کی قربانی دینی پڑتیں ہیں۔ تب جا کر انسان کو تفقہ نصیب ہوتا ہے۔