پنجاب کونسل آف دی آرٹس راولپنڈی کا ریجنل ڈرامہ فیسٹیول ختم ، مقصد فیملی تھیٹر کی بحالی اور عوام کو صحت مند، صاف ستھری اور معیاری تفریح فراہم کرنا تھا۔

راولپنڈی : پنجاب کونسل آف دی آرٹس راولپنڈی کے زیر اہتمام ریجنل ڈرامہ فیسٹیول کی شاندار اختتامی تقریب کا انعقاد کیا گیا۔ اس فیسٹیول کا انعقاد محترمہ عظمی بخاری، وزیر اطلاعات و ثقافت، حکومت پنجاب کی خصوصی ہدایات پر کیا گیا۔ جس کا مقصد فیملی تھیٹر کی بحالی اور عوام کو صحت مند، صاف ستھری اور معیاری تفریح فراہم کرنا تھا۔اس فیسٹیول میں کل 13 ڈرامہ ٹیموں نے شرکت کی۔جنہوں نے  بھرپور طریقے سے اپنے فن کا مظاہرہ کرتے ہوئے مختلف سماجی و معاشرتی موضوعات پر مبنی ڈرامے پیش کیے۔ اختتامی تقریب کے مہمانِ خصوصی ملک افتخار احمد، پارلیمانی سیکرٹری برائے اوقاف و مذہبی امور، حکومتِ پنجاب تھے۔  انہوں نے تمام شریک فنکاروں، ہدایتکاروں اور ڈرامہ سکروٹنی کمیٹی کے اراکین کو تعریفی اسناد اور شیلڈز پیش کیں۔
 اور کہا کہ فنکار ہمارے ملک کا قیمتی اثاثہ ہیں جو پاکستانی ثقافت کے فروغ کے لیے اپنی صلاحتیں بروئے کار لا کر ملک و قوم کا نام روشن کرتے ہیں۔ اس تقریب میں جن نمایاں شخصیات نے شرکت کی ان میں بانی آرٹس کونسل ناہید منظور, ممتاز شاعرہ  ڈاکٹر افشاں، سابق ڈائریکٹر آرٹس کونسل چوہدری وقار احمد، پی ٹی وی کے ملک نیوز پروڈیوسر ملک وقار، پی این سی اے  افسران، راولپنڈی اسلام آباد یونین آف جنرلسٹ کے صدر عابد عباسی، راولپنڈی اسلام کے معروف فنکاروں، شاعروں اور ادیبوں نے شرکت کی  اورحکومت پنجاب کو کامیاب فیسٹیول کے انعقاد  کو سراہا۔ جو ڈرامے اس فیسٹیول میں پیش کیے گئے۔