انکروچمنٹ آپریشن میں تعینات افسران و ملازمین کا دوہرا معیار کھل کر سامنے آ گیا،اعلی حکام نوٹس لیں ، شہریوں کا مطالبہ ۔

اسلام آباد (یاسر نویدسے ) وفاقی ترقیاتی ادارے کیپیٹل ڈویلپمنٹ اتھارٹی(سی ڈی اے ) اور میٹروپولیٹن کارپوریشن اسلام آباد (ایم سی آئی )کے فیلڈ افسران و ملازمین کے انوکھے کارنامے، غریب ریڑھی بان جانوں سے ہاتھ دھونے لگے، جبکہ اعلی افسران کے ساتھ تعلقات کی بدولت با اثر افراد قانون کی دھجیاں بکھیر رہے ہیں،ایسے میںفیلڈ افسران و ملازمین بے بس دکھائی دے رہے ہیں۔وفاقی شہر اقتدار کے ترقیاتی ادارے (سی ڈی اے) اور میٹروپولیٹن کارپوریشن اسلام آباد کے انکروچمنٹ آپریشن میں تعینات افسران و ملازمین کا دوہرا معیار کھل کر سامنے آ گیا، ایک جانب تجاوزات آپریشن کے بعد چند با اثرافراد کو(باقی صفحہ3نمبر43) من مانیوں کی کھلی اجازت جس کے تحت وہ طاقتور کاروباری حضرات اپنی دوکانوں کے برآمدوں کی گزرگاہوں کو جب جہاں سے چاہیں عام شہریوں کے داخلے پر پابندی عائد کر دیں، اگر وہ چند با اثر کاروباری شخصیات ضروری سمجھیں تو پیدل چلنے والوں کیلئے فٹ پاتھ بند کرنے کا فیصلہ کرنے کے علاوہ خریدو فروخت کی غرض سے تجارتی مراکز کا رخ کرنے والوں کی پارکنگ میں اپنی گاڑی و موٹرسائیکل کھڑی کرتے ہوئے وہاں سے بھی عام افراد کو رخصت کر سکتے ہیں ،کیونکہ ان افراد کے تعلقات ان افسران کے ساتھ ہیں جو گرمی کے موسم میں اپنے سرکاری دفاتر کے کمروں میں ائیرکنڈیشن کے مزے لوٹ رہے ہیں جہاں عام آدمی کی پہنچ تو دور کی بات، غریب کی سسکیوں سے لطف اندوز ہوا جاتا ہے.دوسری جانب سخت گرمی کے عالم میں اپنے بچوں کا پیٹ پالنے والے غریب ٹھیلہ و ریڑھی بانوں کی لاشیں جیسا کہ چند روز قبل افسوسناک واقعہ ضیاء مسجد آپریشن کے دوران پیش آیا، غریب ریڑھی بان کا جرم صرف یہ تھا کہ اپنے بچوں کا پیٹ پالنے کی غرض سے روڈ کنارے چاولوں کا ٹھیلا لگا کر شام کو اپنے بچوں کو حلال رزق کا نوالہ کھلاتا تھا، انفورسمنٹ ڈائریکٹوریٹ آپریشن کے دوران ریڑھی اٹھانے کا صدمہ یا گھر والوں کی بھوک کے سامنے بے بسی کے عالم میں دنیا سے رخصت ہو گیا جبکہ صدمے سے دوچار لواحقین اپنے پیارے کی گھر آمد کے تاحال منتظر ہیں. ترقیاتی ادارے کے اہم عہدوں پر فائز چند سفارشی کرپٹ افسران کی آشیرباد کی بدولت شہر اقتدار میں ہر جانب مختلف سیکٹرز کے فٹ پاتھ، تجارتی مراکز ہوں یا جنگلات ہر طرف طاقتور افراد کی لوٹ مار کا بازار گرم ہے جس کی پیش نظر عام شہری شدید مایوسی کا شکار ہو رہا ہے.شہریوں کی جانب سے اعلی افسران سے نوٹس کی اپیل۔
 سی ڈی اے