حریم فاروق نے ہانیہ عامر کو اپنے لئے قابل فخر قرار دیدیا ،لوگوں نے احساس دلایا کہ میں ہانیہ کو پہلا موقع دینے والی شخصیت تھیں

کراچی : اداکارہ حریم فاروق نے ہانیہ عامر کو اپنے لئے قابل فخر قرار دیدیا ۔حال ہی میں  ایک پوڈ کاسٹ میں گفتگو کرتے ہوئے حریم فاروق نے ہانیہ عامر سے متعلق اپنے جذبات شیئر کیے۔حریم نے کہا کہ وہ کافی عرصے تک اس بات کا کریڈٹ ہی نہیں لیتی رہیں کہ انہوں نے ہانیہ کو متعارف کروایا، مگر بعد میں لوگوں نے خود انہیں یہ احساس دلایا کہ وہ ہانیہ کو پہلا موقع دینے والی شخصیت تھیں۔حریم فاروق نے بتایا کہ میں نے ہانیہ کی ایک ڈب اسمیش ویڈیو دیکھی اور اسی وقت محسوس کرلیا کہ اس لڑکی میں کچھ خاص ہے۔

اس کی اسکرین پر موجودگی، اس کی توانائی، سب کچھ نمایاں تھا۔انہوں نے مزید کہا کہ وہ ایک خاتون پروڈیوسر ہونے کے ناطے ہانیہ کو ہمیشہ تحفظ دینا چاہتی تھیں اور آج بھی وہ ہانیہ کی کامیابی کا کریڈٹ نہیں لینا چاہتیں کیونکہ یہ ہانیہ کی اپنی محنت، لگن اور فن ہے جس نے اسے یہاں تک پہنچایا۔ان کا کہنا ہے کہ میں ہانیہ پر فخر کرتی ہوں، وہ جس طرح مسلسل خود کو بہتر بنا رہی ہے، وہ ایک سچے فنکار کی پہچان ہے۔