حکومت ایف بی آر اختیارات پر نظرثانی کے لیے ، کاروباری برادری قومی معیشت میں ریڑھ کی ہڈی کی حیثیت رکھتی ہے : ناصر منصو ر

اسلام آباد( نیوز رپورٹر ) اسلام آباد چیمبر آف کامرس اینڈ انڈسٹری (آئی سی سی آئی) کے صدر ناصر منصور قریشی نے  کمپنییز کے  ایگزیکٹوز کی گرفتاری بارے فیڈرل بورڈ آف ریونیو(ایف بی آر) کے مجوزہ اختیارات کا جائزہ لینے اور ان پر کنٹرول سخت کرنے کے سلسلے میں  ایک خصوصی کمیٹی تشکیل دے کر تاجر برادری کے تحفظات کا ازالہ کرنے پر وزیر اعظم شہباز شریف کے فیصلے کا خیرمقدم کیا ہے۔ ، آئی سی سی آئی کے صدر نے وزیر اعظم کی مداخلت کو خوش آئند قدم قرار دیا جس سے قانون کی پاسداری کرنے والے ٹیکس دہندگان کو بے جا ہراساں کیے جانے سے بچانے کے حکومتی عزم کو تقویت ملتی ہے۔  صدر ناصر قریشی نے کہا کہ کاروباری برادری قومی معیشت میں ریڑھ کی ہڈی کی حیثیت رکھتی ہے اور روزگار پیدا کرنے، ریونیو کی تخلیق اور مجموعی معاشی استحکام ہے۔
میں اہم کردار ادا کرتی ہے۔ کوئی بھی اقدام جو کمپلائنٹ کاروبار کی حوصلہ شکنی یا دھمکی دیتا ہے، نقصان دہ ثابت ہو سکتا ہے۔انہوں نے وزیر اعظم شہباز شریف کے اس واضح موقف کی تعریف کی کہ فنانس بل 2025-26 کے تحت گرفتاری کے مجوزہ اختیارات کو کبھی بھی کاروباری برادری اور سرمایہ کاروں کو ہراساں کرنے یا ڈرانے کا ذریعہ نہیں بننا چاہیے۔ انہوں نے مزید کہا کہ وزیراعظم کی جانب سے  یہ کہنا  بہت حوصلہ افزا ہے کہ تاجروں کی عزت اور احترام کو بہرحال برقرار رکھا جانا چاہیے۔ناصر منصور قریشی نے پارلیمنٹ میں تمام اتحادی جماعتوں سے مشاورت کرتے ہوئے مجوزہ شق میں ضروری ترامیم کرنے اور اسے اعلیٰ عدالتوں کے فیصلوں سے ہم آہنگ کرنے کی وزیراعظم کی ہدایت کا بھی خیر مقدم کیا۔ انہوں نے اس بات پر زور دیا کہ ملک میں کاروبار دوست ماحول کی تعمیر کے لیے اس طرح کی جامع اور دانشمندانہ پالیسی سازی ضروری ہے۔آئی سی سی آئی کے صدر نے یاد دلایا کہ تاجر برادری نے مجوزہ اختیارات پر شدید تحفظات کا اظہار کیا تھا