کراچی : اداکارہ حریم سہیل کا کہنا ہے کہ ٹک ٹاک پر زیادہ تر بے ہودہ مواد بنتا ہے اور وہاں کے اکثر افراد کو اداکاری نہیں آتی۔

ایک پوڈ کاسٹ انٹرویو کے دوران اداکاری پر ہونے والی تنقید سے متعلق سوال پر ان کا کہنا تھا کہ یہ شعبہ ایسا ہے جس میں تنقید اور تعریف دونوں کا سامنا ہوتا ہے، ایک اداکار کو تنقید کے لیے ذہنی طور پر تیار رہنا چاہیے مگر تنقید کرنے والوں کو گالم گلوچ پر نہیں اترنا چاہیے، لیکن بدقسمتی سے آج کل یہی ہورہا ہے۔ٹک ٹاکرز سے متعلق گفتگو کرتے ہوئے حریم سہیل نے کہا کہ انہیں اچھی اداکاری نہیں آتی، وہ خود کیمرا سیٹ کرتے ہیں اور اس کے سامنے صرف لپ سنگ کرتے ہیں۔
، جبکہ اصل اداکاری میں آپ کو پچاس لوگوں کے سامنے پرفارم کرنا ہوتا ہے، جو کہیں زیادہ مشکل ہوتا ہے۔انہوں نے مزید کہا کہ ٹک ٹاک پر بننے والے مواد میں بے ہودگی نمایاں ہوتی ہے۔