فیفا کلب ورلڈ کپ 2025 میں "میڈ اِن پاکستان" گیند کا کمال

فیفا کلب ورلڈ کپ 2025 کا میلہ امریکا میں ہونے جا رہا ہے، لیکن اس بار صرف اسٹار کھلاڑی نہیں، پاکستان میں بنی ہوئی فٹبال بھی سب کی توجہ کا مرکز بنے گی

ایڈیڈاس نے اس ایونٹ کے لیے جو آفیشل بال بنایا ہے، اُس کا نام ہے Club World Cup 25 Pro Ball – جو اپنی خوبصورت stars & stripes ڈیزائن، جدید ٹیکنالوجی اور زبردست پرفارمنس کی وجہ سے عالمی شہرت حاصل کر رہا ہے۔

 یہ گیند مکمل طور پر ماحول دوست مواد سے پاکستان میں تیار کی گئی ہے۔
اس میں ایڈیڈاس کی جدید PRECISIONSHELL ٹیکنالوجی استعمال کی گئی ہے، جو گیند کی رفتار، اسپن اور پرواز کو مزید بہتر بناتی ہے۔

 گیند کے اندر جدید موشن سینسر بھی لگا ہوا ہے، جو ایک سیکنڈ میں 500 بار ڈیٹا بھیجتا ہے۔
اس سے آف سائیڈ فیصلے، پلیئر ٹریکنگ اور ٹچ پوائنٹس کی شناخت میں مدد ملے گی۔

 برطانیہ کی Loughborough یونیورسٹی میں ٹیسٹنگ کے دوران یہ گیند Nike، Puma اور Mitre جیسے مشہور برانڈز سے بہتر ثابت ہوا۔
کھلاڑیوں نے کہا:"یہ گیند پروفیشنل کھیل کے لیے بہترین اور سب سے زیادہ درست ہے۔"

 ایڈیڈاس نے اس میں ہائی گریڈ بلیڈر استعمال کیا ہے تاکہ گیند کی شکل برقرار رہے، اور اس پر 2 سال کی شیپ گارنٹی بھی دی جا رہی ہے۔

 یاد رکھیں: دنیا کے بیشتر فٹبالز پاکستان میں بنتے ہیں، اور یہ نیا بال ایک بار پھر ثابت کر رہا ہے کہ ہماری فٹبال انڈسٹری عالمی معیار پر ہے۔