سیشن کورٹ، ہمایون خان کی عبوری ضمانت منظور، صوبہ میں عوام کے حقوق کے تحفظ کے لئے پیپلز پارٹی اپنا کردار ادا کرتی رہے گی، ہمایون خان۔

اسلام آ باد(  کورٹ رپورٹر )سیشن کورٹ نے ہمایون خان کی صوبہ بچاؤ تحریک احتجاج کے مقدمے میں عبوری ضمانت منظور کر لی،پاکستان پیپلز پارٹی کے مرکزی جنرل سیکریٹری محمد ہمایون خاں، صوبائی صدر سید محمد علی شاہ باچہ، ملک عظمت خان سیشن کورٹ میں پیش ہوئے۔صوبہ بچاؤ تحریک احتجاج میں صوبائی حکومت نے ہمایون خان کے خلاف ایف آئی آر درج کرائی تھی،ہمایون خان پشاور سیشن کورٹ پہنچے تو اس موقع پر کارکنان کی بڑی تعداد وہاں موجود تھی،عدالتی کارروائی کے موقع پر پیپلز پارٹی عہدیداروں اور کارکنوں کی بڑی تعداد ہمایون خان سے اظہار یکجہتی کے لئے موجود تھے۔ہمایوں خان نے کہا کہ پاکستان پیپلز پارٹی اس استحصالی نظام کے خلاف ہر فورم پر آواز بلند کرے گی، صوبہ میں عوام کے حقوق کے تحفظ کے لئے پیپلز پارٹی اپنا کردار ادا کرتی رہے گی، پاکستان پیپلز پارٹی ہرفورم پرعوام کا مقدمہ لڑے گی، انتقامی سیاست تحریک انصاف کا وطیرہ ہے۔ سیکرٹری جنرل محمد ہمایون خان نے کہا کہ ہم نے پہلے بھی ان کے سیاسی انتقام کا سامنا کیا اب بھی کریں گے۔
،ہم صوبائی حکومت کے جھوٹے مقدمات سے ڈرنے والے نہیں، پاکستان پیپلز پارٹی کے خلاف جھوٹے اور بیبنیاد مقدمات سے عوام کے حقوق کی جدوجہد سے دستبردار نہیں کیا جاسکتا، پیپلز پارٹی نہ پہلے جھوٹے مقدمات سے مرعوب ہوئی اور نہ آئندہ ہوگی۔