پاکستان نے اقوام متحدہ کی سلامتی کونسل میں اسرائیلی مظالم کی شدید مذمت کرتے ہوئے عالمی برادری پر زور دیا ہے کہ اسرائیل کو جنگی جرائم پر انصاف کے کٹہرے میں لایا جائے۔ نائب وزیراعظم اسحاق ڈار نے کہا کہ غزہ میں جاری انسانی بحران عالمی ضمیر کے لیے لمحۂ فکریہ ہے۔
واشنگٹن میں مسلم رہنماؤں اور صدر ٹرمپ کا اجلاس، غزہ بحران پر بحث مگر مشترکہ لائحہ عمل سامنے نہ آ سکا۔ سوال یہ ہے: آگے کیا ہوگا؟
نیویارک میں فرانسیسی صدر ایمانوئل میکرون کو اس وقت غیر معمولی صورتحال کا سامنا کرنا پڑا جب پولیس نے ان کا قافلہ روک دیا۔ امریکی صدر ڈونلڈ ٹرمپ کے قافلے کی وجہ سے سڑک بند تھی، جس پر میکرون نے پیدل سفر کیا اور عوام کے ساتھ سیلفیاں بھی بنائیں۔
بالی وڈ کے مشہور گلوکار زوبین گرگ، جنہوں نے فلم گینگسٹر کے گانے "یا علی” سے شہرت پائی، سنگاپور میں انتقال کر گئے۔ ان کی میت بھارت پہنچنے پر لاکھوں مداح امڈ آئے، پولیس اہلکار بھی جذبات پر قابو نہ رکھ سکے۔ آسام حکومت نے تین روزہ سوگ اور تعطیل کا اعلان کردیا۔
امریکی صدر ڈونلڈ ٹرمپ نے اقوام متحدہ کی جنرل اسمبلی کے 80 ویں اجلاس میں سب سے طویل خطاب کیا۔ انہوں نے اقوام متحدہ کی کارکردگی پر سوال اٹھائے، سات عالمی جنگیں رکوانے کا دعویٰ کیا، ایران کو دہشتگردی کا سب سے بڑا حمایتی قرار دیا، روس-یوکرین جنگ پر سخت مؤقف اپنایا اور غزہ سے یرغمالیوں کی فوری رہائی کا مطالبہ کیا۔
بھارت اکتوبر 2025 میں اپنی تاریخ کی سب سے بڑی ڈرون مشق "کولڈ اسٹارٹ” منعقد کرے گا، جس کا مقصد فضائی دفاعی صلاحیتوں کو مضبوط بنانا اور خطے میں ڈرون ہتھیاروں کی دوڑ میں برتری حاصل کرنا ہے۔
گلوبل صمود فلوٹیلا نے اسرائیلی پیشکش مسترد کرتے ہوئے غزہ امداد براہِ راست فلسطینی عوام تک پہنچانے کا اعلان کیا ہے۔ یہ مہم 40 سے زائد ممالک کے کارکنوں کی مشترکہ کوشش ہے جو انسانی حقوق اور بین الاقوامی قانون کی حمایت میں سمندری راستے سے غزہ جا رہی ہے۔
سعودی عرب کے مفتی اعظم شیخ عبدالعزیز انتقال کر گئے، ان کی علمی و دینی خدمات ہمیشہ یاد رکھی جائیں گی۔
بھارتی کانگریس نے مودی حکومت کی فلسطین پالیسی کو شدید تنقید کا نشانہ بناتے ہوئے اسے شرمناک اور اخلاقی بزدلی قرار دیا۔ پریانکا گاندھی نے کہا کہ بھارت، جو 1988 میں فلسطین کو تسلیم کرنے والا اولین ملک تھا، اب اپنے تاریخی مؤقف سے پیچھے ہٹ گیا ہے۔
اقوام متحدہ کی جنرل اسمبلی کا 80واں اجلاس نیویارک میں جاری ہے، جہاں مسئلہ فلسطین پر فیصلہ کن اقدامات اور دو ریاستی حل کی حمایت پر مبنی نئی سفارتی پیش رفت کی امید کی جا رہی ہے۔
