پاکستان

وزیراعظم شہباز شریف نے کہا ہے کہ پاکستان ریلوے کی ڈیجیٹائزیشن اور جدید سہولیات کی فراہمی ملکی معیشت کو مضبوط بنیاد فراہم کرے گی۔ کراچی کینٹ اسٹیشن کی تزئین و آرائش اور شالیمار ایکسپریس کی نئی شکل و صورت کے افتتاح پر انہوں نے کہا کہ وفاقی اور سندھ حکومت مل کر کراچی سرکلر ریلوے کو جدید تقاضوں کے مطابق بحال کریں گے۔ وزیراعظم نے کہا کہ جدید ٹرینیں، آؤٹ سورسنگ ماڈل اور اسٹیشن اپ گریڈیشن ریلوے کی بحالی کا اہم حصہ ہیں۔