صدرِ مملکت آصف علی زرداری نے کہا کہ پاکستان–تاجکستان تعلقات میں دفاعی تعاون مضبوط ہے۔ دونوں ممالک کو تجارت، توانائی اور ثقافتی شعبوں میں موجود مواقع سے بھرپور فائدہ اٹھانا چاہیے۔
بلوچستان کم عمری شادی بل اسمبلی سے منظور ہو گیا! اب 18 سال سے کم عمر لڑکی کی شادی پر دولہے کو 2-3 سال قید اور 1-2 لاکھ روپے جرمانہ ہوگا۔ نکاح خواں، رجسٹرار اور شادی کرانے والے بھی سزا سے بچیں گے نہیں۔ بچیوں کے مستقبل کے لیے بڑا قدم!
پاکستان میں تمباکو معاشی نقصان 700 ارب روپے سالانہ تک پہنچ گیا۔ پائیڈ کی رپورٹ کے مطابق کمزور قوانین، غیر قانونی سگریٹ اور اسموک لیس تمباکو اس بحران کی بڑی وجوہات ہیں۔
اردن کے بادشاہ شاہ عبداللہ دوم وزیراعظم شہباز شریف کی دعوت پر آج دو روزہ سرکاری دورے پر پاکستان پہنچ رہے ہیں۔ اس دوران وہ وزیراعظم، صدر اور عسکری قیادت سے ملاقاتیں کریں گے جبکہ انہیں پاکستان کا سب سے بڑا شہری اعزاز بھی دیا جائے گا۔ دورے میں دفاعی، اقتصادی اور سیاسی تعاون کو مزید مضبوط بنانے پر بات چیت ہوگی۔
گوادر عمان فیری سروس کو وفاقی کابینہ نے منظوری دے دی۔ وفاقی وزیر بحری امور کے مطابق جلد مفاہمت نامے پر دستخط ہوں گے جس سے دونوں ممالک کے درمیان تجارت، سیاحت اور سرمایہ کاری کو بے پناہ فروغ ملے گا۔ گوادر پورٹ خطے کا اہم تجارتی ہب بننے کی طرف تیزی سے بڑھ رہا ہے۔
دفتر خارجہ کے ترجمان طاہر حسین اندرابی نے واضح کیا ہے کہ پاکستان کسی بھی دہشت گرد گروہ، خصوصاً ٹی ٹی پی اور بی ایل اے سے مذاکرات نہیں کرے گا۔ انہوں نے بتایا کہ افغان طالبان کے ساتھ بات چیت کا تیسرا دور استنبول میں کامیابی سے مکمل ہوا، تاہم طالبان انتظامیہ عملی اقدامات کے بجائے صرف وعدوں تک محدود رہی۔ ترجمان کے مطابق افغانستان سے پاکستان پر حملوں میں اضافے کے باوجود پاکستان نے تحمل کا مظاہرہ کیا، مگر دہشت گردوں کو پناہ گزین ظاہر کرنا ایک خطرناک چال ہے۔ پاکستان اپنی سلامتی کے لیے ہر ممکن اقدام کرے گا۔
وفاقی آئینی عدالت کے پہلے مرحلے میں تین ججز نے حلف اٹھایا، نوٹیفکیشن کے مطابق عدالت کل چھ ججز پر مشتمل ہوگی۔
کوہستان مالیاتی اسکینڈل میں گرفتار ملزمان عدالت میں پیش، مزید سات دن کا جسمانی ریمانڈ منظور۔
اسلام آباد کچہری خودکش حملہ کیس میں ٹی ٹی پی سیل گرفتار۔
اسلام آباد — پاک بحریہ کے سربراہ ایڈمرل نوید اشرف کا بنگلہ دیش کا کامیاب دورہ مکمل ہوگیا۔ انہوں نے بنگلہ دیشی عسکری قیادت سے ملاقاتیں کیں اور علاقائی سلامتی، دفاعی تعاون اور دوطرفہ تعلقات کے فروغ پر تفصیلی بات چیت کی۔ دورے کے دوران پی این ایس سیف بھی چٹاگانگ کی بندرگاہ پر موجود رہا۔
