اسلام آباد میں پاک فوج کے سپہ سالار فیلڈ مارشل سید عاصم منیر اور چین کے وزیر خارجہ وانگ ژی کی اہم ملاقات میں کہا گیا کہ پاک–چین تعلقات چٹان کی طرح مضبوط ہیں۔ ملاقات میں سی پیک، علاقائی سلامتی اور عسکری تعاون پر تفصیلی گفتگو ہوئی۔ دونوں رہنماؤں نے اسٹریٹجک شراکت داری کو مزید گہرا کرنے کے عزم کا اظہار کیا۔
نائب وزیراعظم اور وزیر خارجہ اسحاق ڈار 25 اگست کو سعودی عرب روانہ ہوں گے جہاں وہ او آئی سی وزرائے خارجہ کے غیر معمولی اجلاس میں فلسطین کی موجودہ صورتحال پر پاکستان کا دوٹوک مؤقف پیش کریں گے۔
پنجاب اور خیبرپختونخوا میں شدید بارشوں اور بھارت کے پانی چھوڑنے کے بعد ڈیموں میں پانی کی سطح خطرناک حد تک بلند ہوگئی۔ دریائے سندھ، ستلج اور چناب میں اونچے درجے کے سیلاب سے ہزاروں ایکڑ فصلیں تباہ اور نشیبی علاقے زیر آب آگئے۔
پاکستانی انٹیلی جنس بیورو (IB) نے خلیج میں قائم بھارتی خفیہ ایجنسی ’’را‘‘ کے نیٹ ورک کو بے نقاب کر کے ایک بڑی دہشت گردی کی سازش ناکام بنا دی۔ تحقیقات میں انکشاف ہوا ہے کہ خلیجی ریاستوں میں مقیم پاکستانی شہریوں کو مالی لالچ دے کر پاکستان کے اندر اہم شخصیات کو نشانہ بنانے کے لیے استعمال کیا جا رہا تھا۔
ڈھاکا میں نائب وزیراعظم و وزیر خارجہ اسحاق ڈار اور بنگلہ دیشی مشیر خارجہ کی ملاقات میں دونوں ممالک نے تعلقات کو مزید مستحکم کرنے اور تجارت، تعلیم، ثقافت اور خطے میں تعاون کو فروغ دینے پر اتفاق کیا۔
فیلڈ مارشل سید عاصم منیر نے تربت، بلوچستان کا دورہ کرتے ہوئے سیکیورٹی صورتحال، ترقیاتی منصوبوں، اور عوامی فلاح پر بریفنگ لی۔ انہوں نے سول و عسکری ہم آہنگی، نوجوانوں کی شمولیت، اور بلوچستان کی ترقی کے لیے پاک فوج کے عزم کا اعادہ کیا۔
کراچی میں سی ٹی ڈی اور حساس اداروں کی بڑی کارروائی کے دوران بھارتی خفیہ ایجنسی "را” کا دہشت گرد نیٹ ورک بے نقاب ہو گیا۔ گرفتار ملزمان نے دورانِ تفتیش ٹارگٹ کلنگ، فنڈنگ اور علیحدگی پسند تنظیموں کے ساتھ روابط کا اعتراف کیا۔ حکام کے مطابق یہ نیٹ ورک کئی برسوں سے کراچی سمیت مختلف شہروں میں سرگرم تھا۔
صدر مملکت آصف علی زرداری نے 11ویں قومی مالیاتی کمیشن (این ایف سی) کی تشکیل کا اعلان کیا، جس کا مقصد وفاق اور صوبوں کے درمیان قابل تقسیم وسائل کی منصفانہ تقسیم کے لیے نیا فارمولہ طے کرنا ہے۔ یہ اقدام پاکستان کے مالی ڈھانچے اور صوبائی خودمختاری کو مستحکم کرنے کی جانب ایک اہم پیش رفت ہے۔
اسلام آباد میں چین کے وزیر خارجہ وانگ ژی اور آرمی چیف فیلڈ مارشل سید عاصم منیر کی ملاقات میں پاکستان–چین تعلقات کو مزید مضبوط بنانے، علاقائی سلامتی، انسداد دہشت گردی اور سی پیک کے تحفظ پر اتفاق کیا گیا۔ دونوں ممالک نے ایک بار پھر "آہنی بھائی چارے” پر اعتماد کا اعادہ کیا۔
خیبرپختونخوا حکومت کا نیا ہیلی کاپٹر خریدنے کا اعلان، ہیلی کاپٹر حادثے کے شہداء کے ورثاء کو خصوصی پیکج خیبرپختونخوا حکومت کا اہم فیصلہ خیبرپختونخوا حکومت نے چند روز قبل حادثے کا شکار ہونے والے ہیلی کاپٹر کی جگہ نیا ہیلی کاپٹر خریدنے کا اعلان وباضابطہ فیصلہ کر لیا ہے۔
