پیٹرول اور ڈیزل کی قیمتوں میں ممکنہ اضافہ، وفاقی کابینہ کی اقتصادی رابطہ کمیٹی کا اہم اجلاس آج ہوگا
وفاقی کابینہ کی اقتصادی رابطہ کمیٹی (ای سی سی) کا اہم اجلاس آج وزیر خزانہ محمد اورنگزیب کی زیر صدارت ہوگا، جس میں پیٹرول اور ڈیزل کی قیمتوں میں ممکنہ اضافے، سرکلر ڈیبٹ مینجمنٹ پلان، استعمال شدہ گاڑیوں کی امپورٹ پالیسی میں سختی اور مختلف معاشی فیصلوں پر غور کیا جائے گا۔ اجلاس میں ڈیلر مارجن کے بعد پیٹرول میں 1.28 روپے فی لیٹر اضافہ متوقع ہے، جبکہ پرسنل لگیج اسکیم ختم کرنے اور باقی اسکیموں کی شرائط سخت کرنے پر بھی غور کیا جائے گا۔
ملک میں مقامی تیاری کے لیے اسمبلی کٹس اور آٹو پارٹس کی درآمدات میں 123 فیصد کا غیر معمولی اضافہ ریکارڈ
پاکستان میں گاڑیوں کے اسمبلی کٹس (SKD/CKD) کی درآمدات میں پچھلے سال کے مقابلے میں 123 فیصد کا بڑا اضافہ ریکارڈ کیا گیا، جس کے باعث مقامی آٹو مارکیٹ میں سرگرمی بڑھی ہے۔ تاہم، آٹو پارٹس کی درآمدات کی سپورٹ سے چلنے والی مقامی صنعت کو استعمال شدہ گاڑیوں کی درآمدات سے شدید خطرات لاحق ہیں۔