گرمیوں کی چھٹیوں میں اضافہ ،اسکول 15 اگست کی بجائے یکم ستمبر کو کھلیں گے۔
پنجاب حکومت نے شدید گرمی اور حبس کے باعث اسکولوں کی گرمیوں کی تعطیلات میں توسیع کرتے ہوئے دوبارہ کھلنے کی تاریخ 15 اگست سے بڑھا کر یکم ستمبر مقرر کر دی ہے۔ وزیر تعلیم رانا سکندر حیات نے بچوں کی صحت کو مدنظر رکھتے ہوئے اس فیصلے کو طلبہ، والدین اور اساتذہ کے لیے ضروری قرار دیا ہے۔ ماہرین تعلیم اور والدین نے حکومت کے اس بروقت اقدام کو سراہا ہے۔