جنوری میں عمران خان کے بیٹوں کا پاکستان آنے کا اعلان،والد کو جیل میں ’ڈیتھ سیل‘ میں رکھنے کا الزام
سابق وزیر اعظم اور پاکستان تحریک انصاف کے بانی عمران خان کے بیٹوں قاسم خان اور سلیمان خان نے جنوری میں پاکستان آنے کے لیے ویزا درخواست دینے کی تصدیق کرتے ہوئے الزام عائد کیا ہے کہ ان کے والد کو جیل میں غیر انسانی حالات میں ’ڈیتھ سیل‘ میں رکھا گیا ہے۔ اسکائی نیوز کو دیے گئے انٹرویو میں انہوں نے جیل میں سہولیات کی کمی، ملاقاتوں میں رکاوٹ اور شدید ذہنی دباؤ پر تشویش کا اظہار کیا۔