فورڈ موٹر بریک سسٹم میں مسئلہ، 5 لاکھ گاڑیاں واپس منگوانے کا اعلان
امریکی کار ساز کمپنی فورڈ موٹر بریک سسٹم میں مسئلہ کے باعث نصف ملین سے زائد گاڑیاں واپس منگوانے پر مجبور ہوگئی۔ نیشنل ہائی وے ٹریفک سیفٹی ایڈمنسٹریشن کی رپورٹ کے مطابق بریک فلوئڈ لیکج حادثات کے خطرات بڑھا سکتا ہے۔ یہ ریکال 2015 تا 2018 فورڈ ایج اور 2016 تا 2018 لنکن ایم کے ایکس ماڈلز کے لیے ہے۔ فورڈ نے کہا ہے کہ ابھی تک اس مسئلے سے متعلق کسی بڑے حادثے یا زخمی ہونے کی اطلاع نہیں ملی۔