9 جنوری کو وزیراعلیٰ خیبر پختونخوا سہیل آفریدی کا کراچی و سندھ کے دورے کا اعلان
وزیراعلیٰ خیبر پختونخوا سہیل آفریدی نے 9 جنوری کو کراچی اور سندھ کے دورے کا اعلان کر دیا ہے۔ وزیراعلیٰ کے مطابق وہ بانی چیئرمین پاکستان تحریک انصاف عمران خان کا پیغام لے کر کراچی پہنچیں گے، جہاں وہ پارٹی رہنماؤں اور کارکنان سے ملاقاتیں کریں گے۔ اس دورے کو پی ٹی آئی کی سیاسی سرگرمیوں کے حوالے سے اہم قرار دیا جا رہا ہے۔
سابق ڈی جی آئی ایس آئی فیض حمید کی فوجی عدالت کی سزا کے خلاف اپیل دائر
سابق ڈی جی آئی ایس آئی لیفٹیننٹ جنرل (ر) فیض حمید نے فوجی عدالت کی جانب سے سنائی گئی 14 برس قید کی سزا کے خلاف قانونی اپیل دائر کر دی۔ اپیل میں مقدمے کے 40 دن کے اندر قانونی کارروائی مکمل کرنے کی درخواست کی گئی۔
سرکاری ملازمین ہوشیار! محکمہ تعلیم پشاور کا نوٹیفیکیشن جاری، سیاسی وابستگی پر نوکری سے چھٹی کا خطرہ
محکمہ تعلیم پشاور نے سرکاری ملازمین کے لیے نیا ضابطہ اخلاق جاری کر دیا، خلاف ورزی پر نوکری ختم ہو سکتی ہے۔
الیکشن کمیشن آف گلگت بلتستان کا صوبائی حکومت کے مالی و انتظامی اختیارات منجمد کرنے کا فیصلہ
گلگت بلتستان کے آئندہ عام انتخابات سے قبل الیکشن کمیشن نے شفافیت اور غیرجانبداری یقینی بنانے کے لیے ایک بڑا قدم اٹھاتے ہوئے حکومت کے تمام مالی و انتظامی اختیارات منجمد کر دیے ہیں۔ کمیشن کے مطابق، اس اقدام کا مقصد انتخابی عمل کو سیاسی اثر و رسوخ سے پاک رکھنا اور عوامی اعتماد بحال کرنا ہے۔ نوٹیفکیشن میں واضح کیا گیا ہے کہ کسی بھی سرکاری محکمے میں نئی بھرتیاں، تقرریاں، تبادلے یا ترقیوں پر پابندی ہوگی، جب تک کمیشن سے پیشگی اجازت نہ لی جائے۔ اسی طرح نئے ترقیاتی منصوبوں اور فنڈز کی الاٹمنٹ پر بھی مکمل پابندی عائد کر دی گئی ہے۔ سیاسی حلقے اس اقدام کو الیکشن کمیشن کا جرات مندانہ فیصلہ قرار دے رہے ہیں جو شفاف انتخابات کی بنیاد رکھے گا، تاہم بعض سرکاری حلقوں نے خدشہ ظاہر کیا ہے کہ اس فیصلے سے روزمرہ امور متاثر ہو سکتے ہیں۔