آصف علی زرداری سے محسن نقوی کی ملاقات، داخلی سلامتی پر اہم مشاورت
صدر مملکت آصف علی زرداری سے وفاقی وزیر داخلہ محسن نقوی اور ایم کیو ایم پاکستان کے سربراہ خالد مقبول صدیقی نے ملاقات کی جس میں ملک کی داخلی سلامتی، امن و امان اور خطے کی بدلتی صورتحال پر تفصیلی تبادلہ خیال کیا گیا۔
وزیراعظم کی ہدایت پر وزیراعلیٰ خیبرپختونخوا سہیل آفریدی اور عمران خان کی ملاقات کے انتظامات شروع
وزیراعظم شہباز شریف نے وزیراعلیٰ خیبرپختونخوا سہیل آفریدی اور تحریک انصاف کے سربراہ عمران خان کی ملاقات کے انتظامات کے لیے صوبائی حکومت کو ہدایت جاری کر دی ہے۔ یہ ہدایت صوبے میں نئی کابینہ کی تشکیل، وفاقی تعلقات میں بہتری اور سیاسی استحکام کے تناظر میں دی گئی ہے۔ وزیر مملکت برائے ثقافت و سیاحت حذیفہ رحمٰن نے ایک ٹی وی پروگرام میں تصدیق کی کہ ملاقات کی تیاری مکمل کی جا رہی ہے اور آئندہ چند دنوں میں اس کے انعقاد کا امکان ہے۔ سیاسی تجزیہ کاروں کے مطابق، یہ پیش رفت وفاق اور تحریک انصاف کے درمیان برف پگھلنے کا آغاز ثابت ہو سکتی ہے۔ اگر ملاقات کامیاب رہتی ہے تو صوبے میں انتظامی عمل میں تیزی، نئی کابینہ کی تشکیل اور ترقیاتی منصوبوں کی بحالی کے امکانات بڑھ جائیں گے۔
وزیراعظم شہباز شریف سے بلاول بھٹو کی ملاقات، میاں شاہد شفیع کے انتقال پر اظہار تعزیت
وزیراعظم شہباز شریف سے بلاول بھٹو زرداری نے ملاقات کی، جس میں میاں شاہد شفیع کے انتقال پر تعزیت کی گئی۔ ملاقات میں ملکی سیاسی صورتحال پر بھی تبادلہ خیال ہوا۔ اس موقع پر شیری رحمان اور آصفہ بھٹو بھی موجود تھیں۔
صدرِ مملکت آصف علی زرداری سے وزیرِ اعظم محمد شہباز شریف کی ایوانِ صدر میں ملاقات
صدر مملکت آصف علی زرداری اور وزیر اعظم شہباز شریف کی ایوانِ صدر میں اہم ملاقات، ملکی استحکام، ترقی، اور خوشحالی کے لیے مل کر کام کرنے کے عزم کا اظہار۔ ملاقات میں معیشت، سیکیورٹی اور امن و امان کی صورتحال پر تبادلہ خیال ہوا۔