شدید بارشوں کے بعد پنجاب میں سیلاب کا الرٹ، انتظامیہ ہائی الرٹ پر
شدید بارشوں کے بعد پنجاب میں سیلاب کا الرٹ جاری، اگلے تین دن مزید بارشوں کی پیشگوئی اور شہریوں کو احتیاطی تدابیر اختیار کرنے کی ہدایت
پاکستان سیلابی صورتحال پر ہنگامی اجلاس وزیراعظم شہباز شریف کی زیر صدارت جاری
وزیراعظم پاکستان شہباز شریف نے ملک میں جاری شدید بارشوں اور دریاؤں میں بلند پانی کی سطح کے باعث سیلابی خطرات پر ہنگامی اجلاس کی صدارت کی۔ اجلاس میں این ڈی ایم اے، پی ڈی ایم اے اور وفاقی وزرا نے بریفنگ دی جبکہ وزیراعظم نے فوری اقدامات، متاثرین کے بروقت انخلا اور ریلیف سرگرمیوں کو مؤثر بنانے کی ہدایات جاری کیں۔
شدید بارشوں کی پیشگوئی: پی ڈی ایم اے پنجاب کا وارننگ الرٹ، کلاؤڈ برسٹنگ اور سیلاب کا خدشہ
پروونشل ڈیزاسٹر مینجمنٹ اتھارٹی (پی ڈی ایم اے) پنجاب نے آئندہ 24 گھنٹوں میں شدید بارشوں اور کلاؤڈ برسٹنگ کے خدشات ظاہر کیے ہیں۔ محکمہ کے مطابق مون سون بارشوں کا ساتواں اسپیل سب سے زیادہ طاقتور ثابت ہوسکتا ہے جس کے باعث بالائی پنجاب میں طوفانی بارشوں اور لینڈ سلائیڈنگ کا خطرہ ہے۔ دوسری جانب خیبرپختونخوا میں بارشوں اور سیلاب سے اموات کی تعداد 320 سے تجاوز کرگئی ہے جہاں بونیر اور باجوڑ شدید متاثرہ علاقے ہیں۔ بونیر میں ہنگامی حالت نافذ کردی گئی جبکہ باجوڑ میں سیلابی ریلے کئی گاؤں بہا لے گئے۔ گزشتہ روز امدادی سرگرمیوں کے دوران خیبرپختونخوا حکومت کا ہیلی کاپٹر بھی حادثے کا شکار ہوا جس میں 5 افراد شہید ہوگئے۔ عوام کو ہدایت کی گئی ہے کہ وہ غیرضروری سفر سے گریز کریں اور محفوظ مقامات پر منتقل ہوجائیں۔