خاتون اول آصفہ بھٹو زرداری سے پنک ربن پاکستان کے سی ای او کی ملاقات ، چھاتی کے سرطان کی روک تھام کے لیے مشترکہ کوششوں پرزور
خاتون اول آصفہ بھٹو زرداری نے ایوان صدر میں پنک ربن پاکستان کے سی ای او عمر آفتاب سے ملاقات کی، جہاں چھاتی کے سرطان کی روک تھام اور بروقت تشخیص کے حوالے سے مشترکہ کوششوں کی ضرورت پر زور دیا گیا۔ انہوں نے کہا کہ پاکستان میں ہر نو میں سے ایک خاتون اس مرض کے خطرے سے دوچار ہے اور بروقت تشخیص سے شفا کی شرح 90 فیصد سے زیادہ ہے۔