برطانیہ میں پاکستان مخالف سرگرمیوں پر شدید احتجاج، قائم مقام برطانوی ہائی کمشنر کو ڈی مارش
پاکستان نے برطانیہ میں پاکستان مخالف اور اشتعال انگیز سرگرمیوں پر شدید احتجاج کرتے ہوئے قائم مقام برطانوی ہائی کمشنر کو ڈی مارش کیا ہے۔ دفتر خارجہ کے مطابق برطانوی سرزمین سے پاکستان کی سول و عسکری قیادت کے خلاف دھمکی آمیز بیانات اور بریڈفورڈ میں پاکستانی قونصل خانے کے باہر احتجاج ناقابلِ قبول ہیں۔ پاکستان نے مطالبہ کیا ہے کہ ملوث افراد کی شناخت کر کے ان کے خلاف برطانوی قانون کے تحت کارروائی کی جائے۔
وزیراعظم شہباز شریف کا سعودی عرب کا دورہ مکمل، برطانیہ اور امریکا روانگی
وزیراعظم شہباز شریف نے سعودی عرب کا 2 روزہ دورہ مکمل کرلیا، جہاں اہم ملاقاتوں کے بعد وہ برطانیہ روانہ ہوگئے۔ برطانیہ کے بعد وزیراعظم امریکا جائیں گے اور نیویارک میں اقوام متحدہ کی جنرل اسمبلی کے اجلاس میں پاکستان کی نمائندگی کریں گے۔