گیارہواں این ایف سی اجلاس 29 اگست کو طلب، مرکز اور صوبوں میں وسائل کی تقسیم پر اہم فیصلہ متوقع
قابل تقسیم مالی وسائل کی تقسیم کے لیے گیارہواں قومی مالیاتی کمیشن (این ایف سی) اجلاس 29 اگست کو طلب کر لیا گیا ہے۔ ذرائع کے مطابق وفاقی حکومت صوبوں کو مالیاتی اعداد و شمار، قرض پر سود، انسداد دہشت گردی اور دفاعی اخراجات سے آگاہ کرے گی۔ اجلاس میں بی آئی ایس پی سمیت دیگر بڑے اخراجات پر بھی مشاورت ہوگی۔ وزارتی کمیٹی پہلے ہی نئی حکمت عملی تیار کرچکی ہے، جبکہ اجلاس میں صوبوں اور مرکز کے درمیان حصے کا تعین کلیدی موضوع ہوگا۔ توقع کی جا رہی ہے کہ یہ اجلاس ہنگامہ خیز ثابت ہوگا کیونکہ ماضی میں صرف چار این ایف سی ایوارڈ نتیجہ خیز رہے ہیں۔
این ایف سی ایوارڈ 2025: وفاق اور صوبوں میں وسائل کی تقسیم پر بڑا تنازعہ
وفاقی حکومت شدید مالی بحران کے باعث این ایف سی ایوارڈ 2025 میں صوبوں کے حصے میں کمی یا بی آئی ایس پی اور ایچ ای سی اخراجات میں شراکت کی تجاویز پر غور کر رہی ہے، جبکہ صوبے اپنے حقوق کے تحفظ پر بضد ہیں۔