پاکستان میں سرد ترین موسمِ سرما متوقع، لا نینا کے باعث شدید ٹھنڈ اور خطرناک اثرات کی پیش گوئی
پاکستان میں لا نینا کے باعث سرد ترین موسمِ سرما آنے والا ہے، ماہرین کے مطابق درجہ حرارت معمول سے کئی ڈگری کم رہے گا۔
پنجاب سیلاب کا خطرہ ڈیڑھ لاکھ افراد کو محفوظ مقامات پر منتقل کر دیا گیا
نیشنل ڈیزاسٹر مینجمنٹ اتھارٹی (این ڈی ایم اے) کے مطابق پنجاب کے مختلف اضلاع میں شدید بارشوں اور دریاؤں میں پانی کی سطح بلند ہونے کے باعث اب تک ڈیڑھ لاکھ سے زائد افراد کو محفوظ مقامات پر منتقل کیا جا چکا ہے۔ دریائے ستلج میں پانی کا بہاؤ ایک لاکھ 95 ہزار کیوسک سے بڑھ گیا ہے جو انتہائی اونچے درجے کے سیلاب کی نشاندہی کرتا ہے۔ متاثرین میں سب سے زیادہ تعداد بہاولنگر کی ہے جہاں 89 ہزار سے زائد افراد نقل مکانی کر چکے ہیں۔ قصور، اوکاڑہ، پاکپتن، بہاولپور اور وہاڑی کے نشیبی علاقے بھی متاثر ہوئے ہیں۔ وزیراعلیٰ پنجاب مریم نواز نے سخت احکامات جاری کرتے ہوئے کہا کہ انسانی جانوں کے تحفظ میں کوئی کوتاہی برداشت نہیں کی جائے گی۔ ماہرین کے مطابق یہ صورتحال ماحولیاتی تبدیلیوں کا نتیجہ ہے، جس نے پاکستان کو دنیا کے سب سے زیادہ متاثرہ ممالک میں شامل کر دیا ہے۔