سابق گورنر پنجاب عمر سرفراز چیمہ کی 9 مئی جلاؤ گھیراؤ کیس میں ضمانت منظور
لاہور کی انسداد دہشت گردی عدالت نے 9 مئی کے جلاؤ گھیراؤ کیس میں سابق گورنر پنجاب عمر سرفراز چیمہ کی بعد از گرفتاری ضمانت منظور کرلی ہے۔ عدالت نے دیگر مقدمات میں ضمانتوں کی سماعت 25 نومبر تک ملتوی کردی۔ 9 مئی کے واقعات میں ملک بھر میں توڑ پھوڑ، جلاؤ گھیراؤ اور تشدد کے نتیجے میں املاک کو نقصان پہنچا جبکہ سینکڑوں گرفتاریاں ہوئیں۔
انسداد دہشتگردی عدالت نے اپوزیشن لیڈرعمر ایوب کی ضمانتیں خارج کردی
انسداد دہشت گردی عدالت لاہور نے عمر ایوب خان کی عبوری ضمانتیں خارج کر دیں اور حاضری معافی کی درخواست مسترد کر دی۔ یہ فیصلہ 9 مئی کے پرتشدد واقعات سے متعلق تین مقدمات میں ہوا۔ عمر ایوب کے وکلا اب لاہور ہائی کورٹ میں اپیل دائر کریں گے۔
یاسمین راشد، میاں محمود الرشید، اعجاز چوہدری کو 10، 10 سال قید کی سزا
انسداد دہشتگردی عدالت نے 9 مئی کے جلاؤ گھیراؤ کیس میں پی ٹی آئی رہنماؤں یاسمین راشد، محمود الرشید اور اعجاز چوہدری کو 10،10 سال قید کی سزا سنا دی۔ جبکہ شاہ محمود قریشی و دیگر کو بری کر دیا گیا۔ عدالت نے دیگر کئی رہنماؤں کو بھی سزائیں سنائی ہیں۔