جغرافیے اور سیکیورٹی چیلنجز کے باعث بڑے پیمانے پر بلوچستان میں فوجی تعیناتی ناگزیر ہے، خواجہ آصف
وزیر دفاع خواجہ آصف نے قومی اسمبلی میں خطاب کرتے ہوئے کہا ہے کہ بلوچستان کے وسیع اور دشوار گزار جغرافیے کے باعث وہاں بڑے پیمانے پر فوجی اہلکاروں کی تعیناتی ناگزیر ہے۔ انہوں نے اسمگلنگ، علیحدگی پسند عناصر، دہشت گردی اور احساسِ محرومی کے بیانیے پر تفصیلی روشنی ڈالی اور کہا کہ سرداری نظام اور جرائم پیشہ گروہوں نے صوبے کے وسائل کو نقصان پہنچایا ہے۔
پاکستان کسی دہشت گرد گروہ سے مذاکرات نہیں کرے گا، ترجمان دفتر خارجہ
دفتر خارجہ کے ترجمان طاہر حسین اندرابی نے واضح کیا ہے کہ پاکستان کسی بھی دہشت گرد گروہ، خصوصاً ٹی ٹی پی اور بی ایل اے سے مذاکرات نہیں کرے گا۔ انہوں نے بتایا کہ افغان طالبان کے ساتھ بات چیت کا تیسرا دور استنبول میں کامیابی سے مکمل ہوا، تاہم طالبان انتظامیہ عملی اقدامات کے بجائے صرف وعدوں تک محدود رہی۔ ترجمان کے مطابق افغانستان سے پاکستان پر حملوں میں اضافے کے باوجود پاکستان نے تحمل کا مظاہرہ کیا، مگر دہشت گردوں کو پناہ گزین ظاہر کرنا ایک خطرناک چال ہے۔ پاکستان اپنی سلامتی کے لیے ہر ممکن اقدام کرے گا۔
دہشت گردوں نے کوئٹہ سے پنجاب جانے والی 2 بسوں کے 9 مسافروں کو اغوا کرکے
بلوچستان میں دہشت گردوں نے دو بسوں سے 9 مسافروں کو شناخت کے بعد اغوا کر کے شہید کر دیا۔ واقعے کی ذمہ داری کالعدم تنظیم بلوچستان لبریشن فرنٹ نے قبول کر لی۔