وزیراعظم آفس میں موسمیاتی تبدیلی پراعلیٰ سطحی اجلاس ،موسمیاتی تبدیلی سے نمٹنے کیلئے مربوط قومی حکمتِ عملی ناگزیر
وزیراعظم شہباز شریف نے آئندہ برس مون سون کے دوران ممکنہ جانی و مالی نقصانات سے بچنے کے لیے ابھی سے ہنگامی تیاری شروع کرنے کی ہدایت جاری کر دی ہے۔ اسلام آباد میں منعقدہ اجلاس کی صدارت کرتے ہوئے انہوں نے وزارتِ موسمیاتی تبدیلی، وزارتِ منصوبہ بندی اور این ڈی ایم اے کو ہدایت کی کہ صوبائی حکومتوں کے ساتھ مل کر موسمیاتی تبدیلی کے چیلنجز سے نمٹنے کیلئے مربوط حکمت عملی تیار کی جائے۔
صوبوں کے تحفظات ختم کرکے قوم کے فائدے کیلئے کالا باغ ڈیم منصوبہ بنانا چاہیے، علی امین گنڈاپور
وزیراعلیٰ خیبرپختونخوا علی امین گنڈاپور نے کالا باغ ڈیم کی بھرپور حمایت کرتے ہوئے کہا ہے کہ یہ منصوبہ پاکستان کے مستقبل کے لیے ناگزیر ہے۔ ان کے مطابق اگر بروقت ڈیمز بنائے جاتے تو خیبرپختونخوا میں حالیہ سیلابی تباہ کاریاں اس شدت سے نہ ہوتیں۔
پنجاب سیلاب کا خطرہ ڈیڑھ لاکھ افراد کو محفوظ مقامات پر منتقل کر دیا گیا
نیشنل ڈیزاسٹر مینجمنٹ اتھارٹی (این ڈی ایم اے) کے مطابق پنجاب کے مختلف اضلاع میں شدید بارشوں اور دریاؤں میں پانی کی سطح بلند ہونے کے باعث اب تک ڈیڑھ لاکھ سے زائد افراد کو محفوظ مقامات پر منتقل کیا جا چکا ہے۔ دریائے ستلج میں پانی کا بہاؤ ایک لاکھ 95 ہزار کیوسک سے بڑھ گیا ہے جو انتہائی اونچے درجے کے سیلاب کی نشاندہی کرتا ہے۔ متاثرین میں سب سے زیادہ تعداد بہاولنگر کی ہے جہاں 89 ہزار سے زائد افراد نقل مکانی کر چکے ہیں۔ قصور، اوکاڑہ، پاکپتن، بہاولپور اور وہاڑی کے نشیبی علاقے بھی متاثر ہوئے ہیں۔ وزیراعلیٰ پنجاب مریم نواز نے سخت احکامات جاری کرتے ہوئے کہا کہ انسانی جانوں کے تحفظ میں کوئی کوتاہی برداشت نہیں کی جائے گی۔ ماہرین کے مطابق یہ صورتحال ماحولیاتی تبدیلیوں کا نتیجہ ہے، جس نے پاکستان کو دنیا کے سب سے زیادہ متاثرہ ممالک میں شامل کر دیا ہے۔