پاک افغان سرحد پر شدید جھڑپ؛ کرم سیکٹر میں افغان طالبان کی پوسٹیں تباہ، طالبان کی پھر بلااشتعال فائرنگ
کرم سیکٹر میں پاک-افغان سرحد پر ایک بار پھر افغان طالبان کی بلااشتعال فائرنگ، پاک فوج کے بروقت اور مؤثر جوابی کارروائی سے طالبان پوسٹوں اور ایک ٹینک کو تباہ کر دیا گیا۔ سیکیورٹی ذرائع کے مطابق متعدد طالبان ہلاک ہو کر پوسٹیں چھوڑ کر فرار ہوگئے۔ وزارتِ دفاع نے کشیدہ حالات کی تصدیق کرتے ہوئے کہا ہے کہ دونوں ممالک کے درمیان تعلقات منقطع ہیں اور کسی بھی وقت دوبارہ جھڑپیں شروع ہو سکتی ہیں۔ وزیراعظم شہباز شریف نے واضح کیا کہ اب دہشت گردی کے خلاف ٹھوس فیصلوں کا وقت آ چکا ہے۔
مقبوضہ کشمیر کے علاقے لداخ میں انڈین فورسز کی فائرنگ سے 4 شہری ہلاک، پورے خطے میں کرفیو نافذ
چین کی سرحد کے قریب انڈیا کے زیرانتظام لداخ میں انڈین فورسز کی فائرنگ سے چار شہری ہلاک ہو گئے، جن میں ایک سابق فوجی بھی شامل تھا۔ اس واقعے نے خطے میں کشیدگی کو بڑھا دیا ہے جبکہ ماحولیاتی رہنما سونم وانگچک کی گرفتاری کے بعد عوامی غصہ مزید شدت اختیار کر گیا ہے۔ مقامی رہنماؤں نے مطالبہ کیا ہے کہ لداخ کو آئینی تحفظ دیا جائے تاکہ زمین، روزگار اور ثقافت کے حقوق محفوظ رہ سکیں۔