ٹرمپ کا غزہ بورڈ آف پیس کا اعلان، وزیراعظم شہباز شریف نے معاہدے پر دستخط کر دیے
امریکی صدر ڈونلڈ ٹرمپ نے ورلڈ اکنامک فورم کے موقع پر سوئٹزرلینڈ کے شہر ڈیووس میں غزہ ’بورڈ آف پیس‘ کے قیام کا باضابطہ اعلان کر دیا۔ تقریب کے دوران پاکستان کے وزیراعظم شہباز شریف نے بھی اس معاہدے پر دستخط کیے۔ صدر ٹرمپ کے مطابق یہ بورڈ غزہ سمیت عالمی تنازعات کے حل اور قیامِ امن کے لیے کام کرے گا اور اقوام متحدہ سمیت دیگر عالمی ادارے اس میں تعاون کریں گے۔
وزیر اعظم شہباز شریف کا عالمی امن فورم سے خطاب: دہشت گردی کا نیا خطرہ افغان سرزمین سے سر اٹھا رہا ہے
وزیراعظم شہباز شریف نے ترکمانستان کے دارالحکومت اشک آباد میں عالمی امن فورم سے خطاب کرتے ہوئے خبردار کیا کہ دہشت گردی کا ایک نیا اور سنگین خطرہ دوبارہ افغان سرزمین سے جنم لے رہا ہے، جس کے لیے عالمی برادری کو افغان حکام پر ذمہ داریاں پوری کرنے کے لیے زور دینا ہوگا۔ انہوں نے کہا کہ تنازعات کا پُرامن حل پاکستان کی خارجہ پالیسی کا بنیادی ستون ہے، جبکہ غزہ میں جنگ بندی کے لیے پاکستان نے فعال کردار ادا کیا۔ وزیراعظم نے قطر، ترکیہ، سعودی عرب، یو اے ای اور ایران کا تعاون پر خصوصی شکریہ بھی ادا کیا۔
شمالی کوریا کے میزائل تجربات کے بعد اقوام متحدہ کا ہنگامی اجلاس،عالمی سطح پر تشویش
شمالی کوریا کے نئے بیلسٹک میزائل تجربات نے دنیا بھر میں تشویش کی لہر دوڑا دی۔ اقوام متحدہ کی سلامتی کونسل کا ہنگامی اجلاس طلب، امریکا، جاپان اور جنوبی کوریا نے تجربات کو عالمی امن کے لیے سنگین خطرہ قرار دیا۔ چین اور روس نے پابندیوں کی مخالفت کرتے ہوئے سفارتی حل پر زور دیا۔
قطر پر اسرائیلی حملے کے خلاف پاکستان کا سلامتی کونسل کا ہنگامی اجلاس بلانے کا مطالبہ : وزیر خارجہ
اسلام آباد — پاکستان نے قطر کے خلاف اسرائیل کی فضائی جارحیت کو اقوام متحدہ کے چارٹر کی سنگین خلاف ورزی قرار دیتے ہوئے سلامتی کونسل کا ہنگامی اجلاس بلانے کا مطالبہ کیا ہے۔ نائب وزیراعظم و وزیر خارجہ اسحٰق ڈار نے کہا کہ پاکستان قطر کی خودمختاری اور سلامتی کے دفاع میں اس کے ساتھ کھڑا ہے۔ عالمی برادری سے اسرائیل کی غیر ذمہ دارانہ کارروائیوں کو روکنے کا مطالبہ بھی کیا گیا ہے۔
ٹرمپ زیلنسکی ملاقات : جنگ کے خاتمے کے لیے سہ فریقی مذاکرات کی تجویز
واشنگٹن میں امریکی صدر ڈونلڈ ٹرمپ اور یوکرین صدر وولودیمیر زیلنسکی کی ملاقات میں روس-یوکرین جنگ کے خاتمے پر غور کیا گیا۔ ٹرمپ نے سہ فریقی مذاکرات (امریکا، روس، یوکرین) کی تجویز دی جبکہ زیلنسکی نے اس منصوبے کی حمایت کی۔ ٹرمپ نے یوکرین کو سیکیورٹی گارنٹیز دینے کا عندیہ بھی دیا اور کہا کہ جنگ کو سفارتی راستے سے ختم کرنا ضروری ہے۔