بنت حوا کی بے توقیری -آسمان گرجے گا۔ سیلاب آئینگے۔ بستیاں الٹ دی جائینگی
انسانی تاریخ اس حقیقت کی گواہ ہے کہ جب معاشرے معصوم بچیوں کی حرمت پامال کریں اور فحاشی کو تہذیب سمجھیں تو وہ تباہی و بربادی کا شکار ہوتے ہیں۔ قرآن، تاریخ اور قدرتی آفات انسان کو بار بار خبردار کرتی ہیں کہ بنتِ حوا کی عزت کی حفاظت کریں ورنہ عبرت ناک انجام مقدر ہوگا۔
جب زمین گناہوں سے بھرنے لگے۔۔۔۔تب پانی کو حکم
تاریخ انسانی گواہ ہے کہ جب انسان رب کے حکم سے منہ موڑتا ہے تو پانی کے عذاب کی شکل میں اس کی کمزوری آشکار ہوتی ہے۔ طوفانِ نوحؑ سے لے کر بنی اسرائیل کے عذاب، یونانی داستانوں، چین و بنگال کے سیلاب اور آج کے خیبرپختونخواہ کی وادیوں تک ایک ہی صدا گونجتی ہے: ’’اے انسان! تیری تدابیر کمزور، رب کے حکم کے آگے تو بے بس ہے۔‘‘ یہ لمحہ ہے عاجزی، اجتماعی توبہ اور عملی منصوبہ بندی کا۔