امریکا کے حملے کی صورت میں اسرائیل اور امریکی اڈے نشانہ بنیں گے، ایران کی امریکا کو سخت وارننگ
ایران نے امریکا کو سخت وارننگ دیتے ہوئے کہا ہے کہ اگر اس پر کسی بھی قسم کا فوجی حملہ کیا گیا تو اسرائیل سمیت خطے میں موجود امریکا کے تمام فوجی اڈے اور بحری جہاز اس کے جائز اہداف ہوں گے۔ ایرانی پارلیمنٹ کے اسپیکر محمد باقر قالیباف کے مطابق ایران کسی بھی جارحیت کا بھرپور اور فیصلہ کن جواب دے گا۔ یہ بیان ایسے وقت میں سامنے آیا ہے جب ایران میں مہنگائی کے خلاف شروع ہونے والے مظاہرے حکومت مخالف تحریک میں تبدیل ہو چکے ہیں، جبکہ اسرائیل ممکنہ امریکی مداخلت کے پیش نظر ہائی الرٹ پر ہے۔ انسانی حقوق کی تنظیموں کے مطابق احتجاج کے دوران ہلاکتوں کی تعداد 116 تک پہنچ چکی ہے، جبکہ ملک بھر میں انٹرنیٹ بند ہونے سے صورتحال مزید سنگین ہو گئی ہے۔
اسرائیلی قابض افواج کے غزہ میں تازہ حملوں کی پاکستان کی شدید مذمت
پاکستان نے غزہ میں اسرائیلی قابض افواج کے تازہ حملوں کی شدید مذمت کرتے ہوئے کہا ہے کہ یہ کارروائیاں بین الاقوامی قانون اور اقوام متحدہ کی قراردادوں کی صریح خلاف ورزی ہیں۔
دوحہ پر اسرائیلی حملہ: سلامتی کونسل اجلاس میں پاکستان اور اسرائیل میں تلخ جملوں کا تبادلہ
اقوام متحدہ کی سلامتی کونسل کے اجلاس میں پاکستان اور اسرائیل کے نمائندوں کے درمیان سخت جملوں کا تبادلہ ہوا۔ پاکستان نے قطر پر اسرائیلی حملے کو غیر قانونی قرار دیتے ہوئے سفارت کاری کو سبوتاژ کرنے کی کوشش کہا، جبکہ اسرائیل نے پاکستان پر تنقید کی۔ اجلاس کے بعد قطر کی خودمختاری کے احترام پر متفقہ اعلامیہ جاری کیا گیا۔
دوحہ پر اسرائیلی حملہ: حماس کی قیادت، قطر کی پوزیشن، امریکا کی ناراضگی اور عالمی ردعمل
اسرائیل کی جانب سے قطر کے دارالحکومت دوحہ پر فضائی حملے نے مشرقِ وسطیٰ کی سیاست میں ہلچل مچا دی۔ اس کارروائی کا مبینہ ہدف حماس کے رہنما تھے، تاہم ابتدائی رپورٹس کے مطابق کوئی بڑا لیڈر نشانہ نہیں بنا۔ قطر، جو برسوں سے حماس کو سیاسی پناہ اور مالی امداد فراہم کرتا رہا ہے، اب ایک مشکل سفارتی صورتحال سے دوچار ہے۔ امریکہ اور عالمی قوتوں نے اس کارروائی پر تشویش کا اظہار کیا ہے، جبکہ سوال یہ اٹھ رہا ہے کہ حماس مستقبل میں اپنی قیادت کے لیے محفوظ پناہ گاہ کہاں تلاش کرے گا۔