پاکستان پشاور زلزلے جھٹکے : سوات اور مالاکنڈ میں بھی5.3 شدت کا زلزلہ محسوس
خیبرپختونخوا اور گلگت بلتستان کے مختلف اضلاع میں آج صبح 5.3 شدت کا زلزلہ آیا جس کا مرکز افغانستان کے ہندوکش ریجن میں تھا۔ پشاور، صوابی، سوات، ملاکنڈ، باجوڑ، چترال اور مانسہرہ سمیت کئی شہروں میں زمین لرزنے سے شہری خوفزدہ ہو کر گھروں اور دفاتر سے باہر نکل آئے۔ زلزلے کی گہرائی 110 کلومیٹر تھی اور ماہرین کے مطابق یہ درمیانے درجے کا زلزلہ ہے، تاہم پہاڑی علاقوں میں زیادہ شدت سے محسوس کیا گیا۔ مقامی انتظامیہ اور ریسکیو ٹیموں کو الرٹ کردیا گیا ہے جبکہ شہریوں کو احتیاطی تدابیر اختیار کرنے کی ہدایت کی گئی ہے۔
پاکستان سیلابی صورتحال پر ہنگامی اجلاس وزیراعظم شہباز شریف کی زیر صدارت جاری
وزیراعظم پاکستان شہباز شریف نے ملک میں جاری شدید بارشوں اور دریاؤں میں بلند پانی کی سطح کے باعث سیلابی خطرات پر ہنگامی اجلاس کی صدارت کی۔ اجلاس میں این ڈی ایم اے، پی ڈی ایم اے اور وفاقی وزرا نے بریفنگ دی جبکہ وزیراعظم نے فوری اقدامات، متاثرین کے بروقت انخلا اور ریلیف سرگرمیوں کو مؤثر بنانے کی ہدایات جاری کیں۔
وزیراعظم شہباز شریف کی ہدایت پر سیلاب متاثرین کیلئے امدادی سرگرمیاں تیز، قومی سطح پر اقدامات کا آغاز
پاکستان شدید بارشوں اور سیلاب کی زد میں ہے۔ وزیراعظم شہباز شریف نے امدادی کارروائیاں تیز کرنے، متاثرین کی بحالی اور دریاؤں کے اطراف غیر قانونی تعمیرات کے خلاف قومی مہم شروع کرنے کی ہدایت کی ہے۔
وزیراعظم شہباز شریف کا عزم: سیلاب متاثرین کی مکمل بحالی تک چین سے نہیں بیٹھیں گے
وزیراعظم شہباز شریف نے وفاقی کابینہ کے اجلاس میں کہا ہے کہ حالیہ بارشوں اور سیلاب سے متاثرہ عوام کی مکمل بحالی تک چین سے نہیں بیٹھیں گے۔ وفاق اور صوبے مل کر امدادی سرگرمیوں میں مصروف ہیں، جبکہ پاک فوج اور این ڈی ایم اے متاثرہ علاقوں میں ریلیف آپریشنز جاری رکھے ہوئے ہیں۔
این ڈی ایم اے بارشوں اور سیلاب کی وارننگ: پاکستان میں شدید بارشیں، خطرناک صورتحال اور 22 اگست تک ہنگامی الرٹ
این ڈی ایم اے نے خبردار کیا ہے کہ پاکستان میں 22 اگست تک بارشوں کا سلسلہ جاری رہے گا جس میں مزید شدت متوقع ہے۔ شمالی پنجاب، خیبرپختونخوا، گلگت بلتستان اور آزاد کشمیر میں سیلاب کے شدید خطرات پیدا ہو گئے ہیں، تربیلا ڈیم 98 فیصد بھر چکا۔
وزیراعظم کی زیر صدارت این ڈی ایم اے ہنگامی اجلاس،خیبر پختونخوا میں ریسکیو اور ریلیف آپریشن تیز کرنے کی ہدایت
وزیراعظم شہباز شریف کی زیر صدارت ہنگامی اجلاس میں ملک میں بارشوں اور سیلاب کی صورتحال کا جائزہ لیا گیا، متاثرہ علاقوں میں فوری ریسکیو اور ریلیف آپریشن کے اقدامات تیز کرنے کی ہدایات جاری کی گئیں۔
پاکستان کی فلسطینی عوام سے یکجہتی، وزیراعظم کی ہدایت پر امدادی سامان غزہ روانہ
وزیراعظم شہباز شریف کی خصوصی ہدایت پر پاکستان نے فلسطینی عوام کے لیے ایک اور امدادی کھیپ روانہ کر دی ہے، جس میں خوراک، ادویات اور طبی آلات شامل ہیں۔ اسلام آباد ایئرپورٹ پر منعقدہ تقریب میں امداد اردن کے راستے غزہ روانہ کی گئی۔ وفاقی وزیر اطلاعات عطاء اللہ تارڑ نے کہا کہ پاکستان عملی طور پر مظلوم فلسطینیوں کے ساتھ کھڑا ہے۔ اقوام متحدہ کی رپورٹ کے مطابق، غزہ میں چار لاکھ ستر ہزار سے زائد افراد شدید بھوک کا شکار ہیں۔ پاکستان کی جانب سے بھیجی گئی امداد مظلوموں کے لیے امید اور یکجہتی کا پیغام ہے۔
شہباز شریف کا گلگت کا ہنگامی دورہ: سیلابی تباہی پر تفصیلی بریفنگ، فوری اقدامات کا مطالبہ
وزیراعظم شہباز شریف نے گلگت بلتستان میں حالیہ سیلابی تباہی پر اظہار افسوس کرتے ہوئے کہا کہ ماحولیاتی چیلنجز سے نمٹنے کیلئے فوری اقدامات ناگزیر ہو چکے ہیں۔ متاثرین کیلئے وفاقی تعاون اور ریلیف پیکج کا اعلان۔
وزیراعظم کا (این ڈی ایم اے) کے نیشنل ایمرجنسی آپریشن سینٹر کا دورہ، حالیہ شدید بارشوں اور سیلابی صورتحال کے حوالے سے اقدامات کا جائزہ
وزیراعظم شہباز شریف نے این ڈی ایم اے کے نیشنل ایمرجنسی آپریشن سینٹر اسلام آباد کا دورہ کیا اور حالیہ مون سون بارشوں اور سیلابی صورتحال پر اقدامات کا جائزہ لیا۔ انہوں نے موسمیاتی تبدیلیوں سے نمٹنے کے لیے پیشگی منصوبہ بندی پر زور دیا اور وفاقی و صوبائی اداروں کو مربوط حکمت عملی اپنانے کی ہدایت کی۔