پاکستان کسی دہشت گرد گروہ سے مذاکرات نہیں کرے گا، ترجمان دفتر خارجہ
دفتر خارجہ کے ترجمان طاہر حسین اندرابی نے واضح کیا ہے کہ پاکستان کسی بھی دہشت گرد گروہ، خصوصاً ٹی ٹی پی اور بی ایل اے سے مذاکرات نہیں کرے گا۔ انہوں نے بتایا کہ افغان طالبان کے ساتھ بات چیت کا تیسرا دور استنبول میں کامیابی سے مکمل ہوا، تاہم طالبان انتظامیہ عملی اقدامات کے بجائے صرف وعدوں تک محدود رہی۔ ترجمان کے مطابق افغانستان سے پاکستان پر حملوں میں اضافے کے باوجود پاکستان نے تحمل کا مظاہرہ کیا، مگر دہشت گردوں کو پناہ گزین ظاہر کرنا ایک خطرناک چال ہے۔ پاکستان اپنی سلامتی کے لیے ہر ممکن اقدام کرے گا۔