بھارت کے خلاف میچ کا فیصلہ حکومت کرے گی اور اس فیصلے کا ہم احترام کریں گے: سلمان علی آغا کی پریس کانفرنس سے خطاب
قومی ٹی ٹوئنٹی ٹیم کے کپتان سلمان علی آغا نے کہا ہے کہ بھارت کے خلاف میچ کا فیصلہ حکومت کرے گی اور ٹیم حکومتی فیصلے کا مکمل احترام کرے گی۔ انہوں نے ورلڈ کپ کے حوالے سے اعتماد کا اظہار کرتے ہوئے نیدرلینڈز کے خلاف میچ کے لیے بھرپور تیاری کا اعلان کیا۔
محسن نقوی ایشیا کپ ٹرافی تنازعہ : بی سی سی آئی سے معافی نہ مانگی نہ مانگوں گا، بھارتی میڈیا رپورٹس پر ردعمل
پاکستان کرکٹ بورڈ اور ایشین کرکٹ کونسل کے چیئرمین محسن نقوی نے بھارتی میڈیا کے الزامات کو سختی سے مسترد کرتے ہوئے واضح کیا ہے کہ انہوں نے کبھی بی سی سی آئی سے معافی نہیں مانگی اور نہ ہی آئندہ مانگیں گے۔ ایشیا کپ فائنل میں بھارتی ٹیم کے رویے اور بعد میں سامنے آنے والے پروپیگنڈے کو محسن نقوی نے جھوٹ اور سیاست قرار دیا۔ ان کا کہنا تھا کہ بطور اے سی سی چیئرمین وہ اس دن بھی ٹرافی دینے کے لیے تیار تھے اور آج بھی ہیں۔ اس تنازع نے پاک بھارت تعلقات میں کشیدگی کے پس منظر کو مزید نمایاں کر دیا ہے، جبکہ عالمی سطح پر بھی بھارتی رویے کو کھیل کے جذبے کے منافی قرار دیا جا رہا ہے۔
بھارتی ٹیم کی ہٹ دھرمی برقرار: محسن نقوی سے ٹرافی لینے سے انکار،محسن نقوی بھی ڈٹ گے، اختتامی تقریب تاخیر کا شکار
ایشیا کپ 2025 کے فائنل میں بھارت کی جیت کے باوجود اس کے رویے نے کھیل کے تقدس کو مجروح کردیا۔ دبئی میں ہونے والی تقریبِ انعامات کے دوران بھارتی کھلاڑیوں نے نہ صرف پاکستانی کھلاڑیوں سے ہاتھ ملانے سے انکار کیا بلکہ ایشین کرکٹ کونسل کے صدر محسن نقوی سے ٹرافی لینے سے بھی صاف انکار کردیا۔ اس رویے نے دنیا بھر میں اسپورٹس مین اسپرٹ پر سوالیہ نشان کھڑا کردیا۔ شائقین کرکٹ اور سوشل میڈیا پر شدید ردعمل سامنے آیا اور ’’#ShameOnBCCI‘‘ جیسے ہیش ٹیگز ٹرینڈ کرنے لگے۔ ماہرین کا کہنا ہے کہ یہ رویہ نہ صرف کھیل بلکہ بین الاقوامی تعلقات کو بھی متاثر کرتا ہے۔
28 ستمبر کوایشیا کپ میں پہلی مرتبہ پاک بھارت فائنل ہونے جا رہا ہے
ایشیا کپ 2025 کا سب سے بڑا لمحہ آ گیا۔ دبئی میں اتوار کے روز پاکستان اور بھارت پہلی بار ایشیا کپ کے فائنل میں آمنے سامنے ہوں گے۔ اس تاریخی مقابلے نے شائقین کے جوش و خروش کو آسمان پر پہنچا دیا ہے۔ پاکستان نے بنگلہ دیش کو شکست دے کر فائنل کے لیے کوالیفائی کیا، جبکہ بھارت مسلسل کامیابیوں کے بعد پر اعتماد ہے۔ یہ میچ نہ صرف ٹرافی بلکہ روایتی کرکٹ دشمنی کی نئی تاریخ بھی رقم کرے گا۔
پاک بھارت میچ ، بھارتی ٹیم کا ہاتھ نہ ملانا، کچھ حد تک تبدیلی، ہیڈ کوچ نے کھلاڑیوں کو واپس بلایا
ایشیا کپ ٹی ٹوئنٹی 2025 کے سپر فور مرحلے کے پاکستان اور بھارت کے میچ کے بعد کھیل کے بجائے کھلاڑیوں کے رویے نے نیا تنازع کھڑا کر دیا۔ دبئی میں کھیلے گئے اس میچ میں بھارت نے میدان میں کامیابی تو حاصل کی لیکن میچ کے اختتام پر بھارتی کھلاڑیوں نے پاکستانی کھلاڑیوں سے ہاتھ ملانے سے گریز کیا، جس پر شائقین اور ماہرین نے سخت ردعمل دیا۔ سوشل میڈیا پر یہ رویہ تیزی سے وائرل ہوا اور لاکھوں صارفین نے اسے کھیل کے تقدس کے خلاف قرار دیا۔ بھارتی ہیڈ کوچ گوتم گمبھیر کی مداخلت کے بعد کھلاڑیوں نے صرف میچ آفیشلز سے مصافحہ کیا مگر پاکستانی کھلاڑیوں کو نظرانداز کیا۔ سابق کپتان شاہد آفریدی اور وی وی ایس لکشمن نے بھی بھارتی ٹیم پر تنقید کرتے ہوئے کہا کہ جیتنے یا ہارنے سے بڑھ کر اسپورٹس مین اسپرٹ اہم ہے۔ مبصرین کا کہنا ہے کہ اگر یہ رویہ جاری رہا تو مستقبل میں آئی سی سی کو اس پر نئی گائیڈ لائن جاری کرنا پڑ سکتی ہے۔
ایشیا کپ پاک بھارت سپر فور مرحلہ میچ :بھارت نے پاکستان کو 6 وکٹوں سے شکست دے دی
ایشیا کپ ٹی ٹوئنٹی کے سپر فور مرحلے میں پاکستان اور بھارت کے درمیان دبئی کے میدان میں ایک اور یادگار اور سنسنی خیز مقابلہ ہوا۔ پاکستان نے پہلے بیٹنگ کرتے ہوئے 5 وکٹوں کے نقصان پر 171 رنز بنائے۔ فخر زمان اور صاحبزادہ فرحان نے ابتدائی اننگز میں اہم کردار ادا کیا جبکہ صائم ایوب اور حسین طلعت زیادہ دیر وکٹ پر نہ ٹھہر سکے۔ بھارتی بولرز نے وقفے وقفے سے وکٹیں حاصل کیں لیکن پاکستانی بیٹسمینوں نے اچھا اسکور بنایا۔ جواب میں بھارت نے پر اعتماد آغاز کیا اور ابھیشیک شرما نے دھواں دھار 74 رنز کی اننگز کھیلی، تاہم پاکستانی بولرز خاص طور پر حارث رؤف اور فہیم اشرف نے میچ کو دلچسپ موڑ پر پہنچا دیا۔ اس مقابلے نے نہ صرف شائقین کرکٹ کو جوش و خروش میں مبتلا رکھا بلکہ سوشل میڈیا پر بھی دونوں ملکوں کے فینز کے درمیان گرما گرم بحث چھڑ گئی۔ ماہرین کے مطابق یہ میچ ایشیا کپ کے اگلے مرحلے پر گہرے اثرات ڈالے گا۔
ایشیا کپ ریفری تنازع : اللہ نے پاکستان کی عزت برقرار رکھی : محسن نقوی کی پریس کانفرنس
ایشیا کپ 2025 میں بھارت کے خلاف متنازع میچ پر پی سی بی چیئرمین محسن نقوی کی اہم پریس کانفرنس، میچ ریفری کے رویے پر کڑی تنقید، آئی سی سی سے انکوائری کی باضابطہ درخواست، سیاست اور کرکٹ کو الگ رکھنے کا اعلان۔
بھارت کا جیت سے قبل ہی محسن نقوی سے ایشیاکپ ٹرافی لینے سے انکار کر دیا
ایشیا کپ 2025 کے فائنل سے قبل بھارتی کپتان سوریا کمار یادیو کے متنازع اعلان نے ٹورنامنٹ کو ہلا کر رکھ دیا ہے۔ یادیو نے کہا کہ اگر بھارت ٹرافی جیتا تو وہ چیئرمین اے سی سی محسن نقوی کے ہاتھ سے اسے وصول نہیں کریں گے۔ یہ تنازعہ اس وقت شروع ہوا جب افتتاحی تقریب میں مصافحے کی تصاویر سوشل میڈیا پر وائرل ہوئیں اور بھارت کے انتہا پسند حلقوں نے شدید تنقید کی۔ اب یہ معاملہ فائنل کی تقریب تک پہنچ چکا ہے، جس سے ایشیائی کرکٹ میں کشیدگی بڑھ گئی ہے۔
میچ ریفری اینڈی پائیکرافٹ کو تبدیل نہ کرنے پر پاکستان کا مزید کوئی میچ نہ کھیلنے کا فیصلہ
ایشیا کپ 2025 دبئی میچ کے بعد نیا تنازعہ کھڑا ہو گیا۔ پاکستان کرکٹ بورڈ نے اعلان کیا ہے کہ اگر میچ ریفری اینڈی پائیکرافٹ کو فوری طور پر ہٹایا نہ گیا تو قومی ٹیم مزید میچز نہیں کھیلے گی۔ بھارتی کھلاڑیوں کے غیر اسپورٹس مین رویے اور کپتان سوریا کمار یادیو کے سیاسی بیان نے معاملہ مزید سنگین کر دیا۔
ٹی 20 ایشیاء کپ پاک بھارت مقابلہ : بھارت نے پاکستان کو 7 وکٹ سے شکست دے دی
ایشیا کپ 2025 کے دبئی میں کھیلے گئے ہائی وولٹیج میچ میں بھارت نے پاکستان کو 7 وکٹ سے شکست دے دی۔ قومی ٹیم نے 20 اوورز میں 127 رنز بنائے جبکہ بھارتی بیٹرز نے ہدف 16ویں اوور میں حاصل کر لیا۔ سوریا کمار یادیو کی 47 رنز کی ناقابل شکست اننگز اور بمرا و کلدیپ کی شاندار بولنگ نمایاں رہی۔