قطر پر اسرائیلی حملے کے خلاف پاکستان کا سلامتی کونسل کا ہنگامی اجلاس بلانے کا مطالبہ : وزیر خارجہ
اسلام آباد — پاکستان نے قطر کے خلاف اسرائیل کی فضائی جارحیت کو اقوام متحدہ کے چارٹر کی سنگین خلاف ورزی قرار دیتے ہوئے سلامتی کونسل کا ہنگامی اجلاس بلانے کا مطالبہ کیا ہے۔ نائب وزیراعظم و وزیر خارجہ اسحٰق ڈار نے کہا کہ پاکستان قطر کی خودمختاری اور سلامتی کے دفاع میں اس کے ساتھ کھڑا ہے۔ عالمی برادری سے اسرائیل کی غیر ذمہ دارانہ کارروائیوں کو روکنے کا مطالبہ بھی کیا گیا ہے۔
غزہ جنگ بندی : حماس نے غزہ میں جنگ بندی کے نئے منصوبے کو قبول کرلیا
فلسطینی تنظیم حماس نے مصر اور قطر کی ثالثی سے پیش کردہ جنگ بندی منصوبہ قبول کر لیا ہے۔ منصوبے میں 60 روزہ جنگ بندی، یرغمالیوں اور قیدیوں کی رہائی، اور غزہ میں انسانی امداد کی فراہمی شامل ہے۔ 22 ماہ سے جاری خونریز جنگ کے بعد اس پیش رفت سے امن کی امیدیں بڑھ گئی ہیں جبکہ اب فیصلہ اسرائیل کے ہاتھ میں ہے۔