دہشتگردوں کا کوہاٹ میں پولیس موبائل پر حملہ، ڈی ایس پی سمیت 7 افراد شہید
کوہاٹ کے نواحی علاقے شکردرہ روڈ پر پولیس موبائل کو دہشتگردوں نے نشانہ بنایا جس کے نتیجے میں ڈی ایس پی واحد محمود سمیت 6 پولیس اہلکار اور ایک شہری شہید ہوگئے جبکہ متعدد زخمیوں کو اسپتال منتقل کردیا گیا۔ حملہ آور فرار ہونے میں کامیاب ہوگئے۔
دو ماہ کے لیے اسلام آباد میں دفعہ 144 نافذ، ہر قسم کے اجتماعات پر پابندی
اسلام آباد کی ضلعی انتظامیہ نے وفاقی دارالحکومت میں امن و امان کی صورتحال کو برقرار رکھنے کے لیے دو ماہ کے لیے دفعہ 144 نافذ کر دی ہے۔ ڈسٹرکٹ مجسٹریٹ کی جانب سے جاری نوٹیفکیشن کے مطابق شہر کی حدود، بشمول حساس ریڈ زون علاقے، میں پانچ یا اس سے زائد افراد کے اجتماع، جلوس، ریلیوں اور احتجاجی مظاہروں پر پابندی عائد کر دی گئی ہے۔
بلوچستان پاکستان کا فخر ہے، بھارتی اسپانسرڈ پراکسیز ختم کرنے کیلئے تمام ضروری اقدامات کریں گے: فیلڈ مارشل
راولپنڈی — پاک فوج کے سربراہ فیلڈ مارشل سید عاصم منیر نے 17ویں نیشنل ورکشاپ بلوچستان کے شرکا سے خطاب میں واضح کیا کہ ’’فتنہ انگیزی برداشت نہیں کی جائے گی‘‘۔ آئی ایس پی آر کے مطابق آرمی چیف نے بلوچستان کو پاکستان کا فخر قرار دیتے ہوئے کہا کہ صوبے کے عوام باصلاحیت اور محبِ وطن ہیں۔ انہوں نے بھارتی اسپانسرڈ پروپیگنڈا نیٹ ورکس اور ’’فتنۃ الہندوستان‘‘ جیسے عناصر کے خلاف سخت مؤقف اپناتے ہوئے کہا کہ پاک فوج عوام کے جان و مال کے تحفظ کے لیے ہر وقت تیار ہے۔ عاصم منیر نے بلوچستان میں ترقیاتی منصوبوں، نوجوانوں کی شمولیت، اور سول و عسکری ہم آہنگی کی ضرورت پر زور دیا۔ ان کا کہنا تھا کہ امن، خوشحالی اور خودمختاری کے لیے عوامی اعتماد بنیادی ستون ہے۔
اب ٹھوس فیصلے کرنے کا وقت آچکا ہے، وزیراعظم شہباز شریف کا دہشت گردی کے خلاف دوٹوک اعلان
وزیراعظم شہباز شریف نے وفاقی کابینہ اجلاس میں دوٹوک اعلان کیا کہ دہشت گردی کے خلاف اب فیصلہ کن وقت آچکا ہے۔ انہوں نے کہا کہ قوم کے شہداء نے اپنے خون سے وطن کی سرحدوں کو محفوظ کیا، اب مزید تاخیر کی گنجائش نہیں۔ ٹھوس اور عملی فیصلے کر کے دہشت گردی کا ہمیشہ کے لیے خاتمہ کیا جائے گا۔
آپریشن سندور کی ناکامی، بھارت نے آپریشن مہادیو کے نام پر دوبارہ جعلی مقابلے شروع کردیے
معتبر سیکیورٹی ذرائع کے مطابق بھارت نے مقبوضہ کشمیر میں "آپریشن مہادیو” کے نام سے ایک جعلی منصوبہ شروع کیا ہے جس کے تحت بھارتی جیلوں میں قید بے گناہ پاکستانیوں کو جعلی مقابلوں میں شہید کر کے دہشت گرد ظاہر کیا جا رہا ہے۔