امریکی کارروائی، وینزویلا کے صدر نکولس مادورو نیویارک منتقل، تیل پر کنٹرول کا عندیہ
وینزویلا کے صدر نکولس مادورو اور ان کی اہلیہ سیلیا فلورس کو امریکی اسپیشل فورسز نے ایک ڈرامائی کارروائی کے دوران حراست میں لے کر نیویارک منتقل کر دیا۔ امریکی صدر ڈونلڈ ٹرمپ نے دعویٰ کیا ہے کہ یہ اقدام وینزویلا میں منصفانہ اور محفوظ انتقالِ اقتدار کے لیے اٹھایا گیا ہے۔ کارروائی کے دوران کاراکاس میں بجلی بند رہی اور فوجی تنصیبات کو نشانہ بنایا گیا۔ مادورو پر نارکو دہشت گردی سمیت متعدد وفاقی الزامات عائد کیے گئے ہیں، جبکہ وینزویلا کی حکومت نے اس کارروائی کو اغوا قرار دیتے ہوئے شدید ردعمل ظاہر کیا ہے۔ ٹرمپ نے وینزویلا کے وسیع تیل کے ذخائر میں امریکی کمپنیوں کی دلچسپی کا بھی کھل کر اظہار کیا ہے۔
امریکا کا وینزویلا پر بڑا حملہ، صدر نکولس مادورو اور اہلیہ کی گرفتاری کا دعویٰ
امریکی صدر ڈونلڈ ٹرمپ نے دعویٰ کیا ہے کہ امریکا نے وینزویلا کے خلاف بڑے پیمانے پر فوجی کارروائی کی ہے، جس کے دوران صدر نکولس مادورو اور ان کی اہلیہ کو گرفتار کر کے ملک سے باہر منتقل کر دیا گیا۔ ٹرمپ کے مطابق یہ آپریشن امریکی قانون نافذ کرنے والے اداروں کے تعاون سے مکمل ہوا، جبکہ مزید تفصیلات آج مار اے لاگو میں ہونے والی پریس کانفرنس میں فراہم کی جائیں گی۔ تاہم اس دعوے کی آزاد ذرائع سے تاحال تصدیق نہیں ہو سکی۔
ٹرمپ کا وینزویلا میں فوجی کارروائی کرنے کا فیصلہ ،خطے میں امریکی فوجی تیاریوں میں بڑا اضافہ
امریکی ذرائع کے مطابق ڈونلڈ ٹرمپ کو وینزویلا میں ممکنہ فوجی کارروائی کے بارے میں اہم بریفنگز دی گئی ہیں، جب کہ خطے میں امریکی فوجی تیاریوں میں غیر معمولی اضافہ ہو چکا ہے۔ ٹرمپ نے عندیہ دیا ہے کہ وہ ابتدائی فیصلہ کر چکے ہیں۔
ڈونلڈ ٹرمپ کو نوبیل انعام میں نظرانداز کرنے پر وائٹ ہاؤس برہم
ناروے کی نوبیل کمیٹی کی جانب سے وینزویلا کی اپوزیشن رہنما ماریا کورینا ماچادو کو امن کے نوبیل انعام سے نوازنے پر وائٹ ہاؤس نے شدید ردعمل دیا ہے۔ ترجمان کے مطابق امریکی صدر ڈونلڈ ٹرمپ کو نظرانداز کرنا سیاسی جانبداری ہے۔ ٹرمپ نے خود کو عالمی امن کا علمبردار قرار دیتے ہوئے کئی بار دعویٰ کیا کہ ان کے اقدامات نے دنیا کو جنگوں سے بچایا۔