مسلم خاتون کا نقاب زبردستی اتارنے پر بہار کے وزیرِ اعلیٰ نتیش کمار کے خلاف مقدمہ درج
نئی دہلی(رئیس الاخبار) :— بھارتی ریاست بہار کے وزیرِ اعلیٰ نتیش کمار کے خلاف مسلم خاتون ڈاکٹر کا نقاب زبردستی اتارنے کے معاملے پر مقدمہ درج کر لیا گیا ہے۔ یہ مقدمہ سماج وادی پارٹی کی رہنما سمیعہ رانا کی جانب سے لکھنو کے قیصر باغ پولیس اسٹیشن میں دائر کیا گیا۔
بھارتی میڈیا رپورٹس کے مطابق ایف آئی آر میں اتر پردیش کے وزیر سنجے نشاد کو بھی نامزد کیا گیا ہے، جبکہ جموں و کشمیر یوتھ کانگریس نے اس واقعے پر سخت ردعمل دیتے ہوئے بہار ہائی کورٹ سے ازخود (سوموٹو) نوٹس لینے کا مطالبہ کیا ہے۔
میڈیا کے مطابق یہ واقعہ پٹنہ میں ایک سرکاری تقریب کے دوران پیش آیا جہاں وزیرِ اعلیٰ نتیش کمار بطور مہمانِ خصوصی نومنتخب ڈاکٹروں میں تقرری نامے تقسیم کر رہے تھے۔ اسی دوران ایک مسلم خاتون ڈاکٹر تقرری نامہ وصول کرنے کے لیے اسٹیج پر آئیں تو وزیرِ اعلیٰ نے مبینہ طور پر ان کا نقاب زبردستی ہٹا دیا۔
واقعے کی ویڈیو اور تصاویر سوشل میڈیا پر وائرل ہونے کے بعد سیاسی اور سماجی حلقوں میں شدید ردعمل سامنے آیا۔ ناقدین کا کہنا ہے کہ یہ اقدام خاتون کے مذہبی اور ذاتی وقار کی سنگین خلاف ورزی ہے، جبکہ انسانی حقوق اور خواتین کے تحفظ سے متعلق قوانین کے منافی بھی قرار دیا جا رہا ہے۔
تاحال بہار حکومت یا وزیرِ اعلیٰ نتیش کمار کی جانب سے اس واقعے پر کوئی باضابطہ بیان سامنے نہیں آیا، تاہم بہار کے وزیرِ اعلیٰ نتیش کمار کے خلاف مقدمہ اور قانونی کارروائی کے آغاز کے بعد معاملہ مزید سنگین صورت اختیار کر گیا ہے۔
سیاسی مبصرین کے مطابق یہ واقعہ نہ صرف مذہبی آزادی بلکہ خواتین کے احترام اور سرکاری عہدوں پر فائز افراد کے طرزِ عمل سے متعلق ایک اہم سوال بن کر سامنے آیا ہے۔
Having personally known & admired Nitish ji I was shocked to see him pull down a young Muslim woman’s naqaab. Does one attribute it to old age or the normalisation of humiliating Muslims publicly. The fact that people around him watched this horrific incident unfold as some form… pic.twitter.com/1nXl1Xzg1l
— Mehbooba Mufti (@MehboobaMufti) December 16, 2025
