مشرق وسطیٰ میں کشیدگی میں کمی، ایران اور امریکا کے ایٹمی مذاکرات پر اتفاق، پاکستان کی شرکت کی تصدیق

ایران اور امریکا نے ایٹمی پروگرام پر مذاکرات پر اتفاق کر لیا ہے، جو جمعہ کو استنبول میں ہوں گے۔ دفتر خارجہ کے مطابق پاکستان بھی ان اہم مذاکرات میں شریک ہوگا، جس سے خطے میں امن کی نئی امید پیدا ہو گئی ہے۔
خیبرپختونخوا میں بارش، فباری اور برفباری کا امکان، دھند کی وارننگ

محکمہ موسمیات کے مطابق خیبرپختونخوا کے مختلف اضلاع میں ہواؤں کے ساتھ ہلکی بارش، فباری اور پہاڑوں پر برفباری کا امکان ہے، جبکہ میدانی علاقوں میں دھند چھائے رہنے کی پیش گوئی کی گئی ہے۔ سرد علاقوں میں درجہ حرارت منفی سطح تک گر گیا۔
ایف بی آر نے پراپرٹی کے نئے سرکاری ریٹس جاری کر دیے

فیڈرل بورڈ آف ریونیو (ایف بی آر) نے ملک بھر میں پراپرٹی کی خرید و فروخت کے لیے نئے سرکاری ریٹس جاری کر دیے، جن کا اطلاق فوری طور پر ہوگا۔
پی ایس ایکس میں زبردست تیزی، 100 انڈیکس 1 لاکھ 86 ہزار پر بحال

پاکستان اسٹاک ایکسچینج میں کاروباری ہفتے کے دوسرے روز زبردست تیزی دیکھی گئی، جس کے نتیجے میں 100 انڈیکس 1801 پوائنٹس اضافے کے بعد 1 لاکھ 86 ہزار 859 پوائنٹس تک پہنچ گیا۔ گزشتہ روز انڈیکس 1 لاکھ 85 ہزار 57 پوائنٹس پر بند ہوا تھا۔
سونے کی قیمت میں بڑا اضافہ، فی تولہ دوبارہ 5 لاکھ سے تجاوز

عالمی اور مقامی گولڈ مارکیٹس میں تین دن کے وقفے کے بعد سونے اور چاندی کی قیمتوں میں نمایاں اضافہ ہوا ہے۔ پاکستان میں 24 قیراط فی تولہ سونا بڑھ کر 5 لاکھ 14 ہزار روپے سے تجاوز کر گیا، جبکہ عالمی مارکیٹ میں بھی سونے کے دام اچانک اوپر چلے گئے۔
پاکستان سمیت 75 ممالک کے لیے امیگرنٹ ویزوں کی پروسیسنگ معطل، ٹرمپ انتظامیہ کا فیصلہ عدالت میں چیلنج

ٹرمپ انتظامیہ کے پاکستان سمیت 75 ممالک کے لیے امیگرنٹ ویزوں کی پروسیسنگ معطل کرنے کے فیصلے کو امریکی عدالت میں چیلنج کر دیا گیا ہے۔ شہری حقوق کی تنظیموں کے ایک گروپ نے نیویارک کی وفاقی عدالت میں امریکی محکمہ خارجہ کے خلاف مقدمہ دائر کرتے ہوئے مؤقف اختیار کیا ہے کہ یہ پالیسی امریکا کے امیگریشن قانون کی دہائیوں پر محیط مستحکم بنیادوں کو شدید نقصان پہنچا رہی ہے۔
عمران خان طبی معائنہ کیس پر عدالت سخت، سپرنٹنڈنٹ جیل کو فوری طلبی

عمران خان اور بشریٰ بی بی کے طبی معائنے سے متعلق درخواست پر عدالت نے سخت نوٹس لیتے ہوئے سپرنٹنڈنٹ جیل کو ایک گھنٹے میں عدالت میں پیش ہونے کا حکم دے دیا، جبکہ جی ایچ کیو حملہ کیس میں وکلاء کی ملاقات کی درخواست بھی دائر کی گئی۔
جی ایچ کیو میں لیبیا کے فیلڈ مارشل خلیفہ ابو القاسم حفتر کی فیلڈ مارشل عاصم منیر سے ملاقات

لیبیا کی مسلح افواج کے کمانڈر اِن چیف فیلڈ مارشل خلیفہ ابو القاسم حفتر اور ڈپٹی کمانڈر لیفٹیننٹ جنرل صدام خلیفہ حفتر نے جنرل ہیڈکوارٹرز راولپنڈی میں چیف آف آرمی اسٹاف فیلڈ مارشل سید عاصم منیر سے ملاقات کی۔ ملاقات میں علاقائی سیکیورٹی صورتحال، باہمی عسکری تعاون اور پیشہ ورانہ روابط کو فروغ دینے پر تبادلہ خیال کیا گیا۔ فیلڈ مارشل عاصم منیر نے لیبیا میں امن، استحکام اور ادارہ جاتی ترقی کے لیے پاکستان کی حمایت کا اعادہ کیا۔
جغرافیے اور سیکیورٹی چیلنجز کے باعث بڑے پیمانے پر بلوچستان میں فوجی تعیناتی ناگزیر ہے، خواجہ آصف

وزیر دفاع خواجہ آصف نے قومی اسمبلی میں خطاب کرتے ہوئے کہا ہے کہ بلوچستان کے وسیع اور دشوار گزار جغرافیے کے باعث وہاں بڑے پیمانے پر فوجی اہلکاروں کی تعیناتی ناگزیر ہے۔ انہوں نے اسمگلنگ، علیحدگی پسند عناصر، دہشت گردی اور احساسِ محرومی کے بیانیے پر تفصیلی روشنی ڈالی اور کہا کہ سرداری نظام اور جرائم پیشہ گروہوں نے صوبے کے وسائل کو نقصان پہنچایا ہے۔
انسدادِ پولیو مہم کا آغاز، حکومت کی ترجیحات میں سرفہرست قرار

ملک بھر میں آج سے انسدادِ پولیو مہم کا آغاز ہو گیا، وزیراعظم کی فوکل پرسن عائشہ رضا کا کہنا ہے کہ پولیو کا خاتمہ حکومت کی اولین ترجیحات میں شامل ہے۔