تحریر : شاہنواز خان
آج ایک تصویر نظر سے گزری۔۔ شہید رانی بے نظیر بھٹو کی جائے شہادت۔۔۔۔۔۔۔۔۔ روح گھائل، دل اداس اور سوچ اذیت سے دوچار ہوئی۔۔۔۔۔ راولپنڈی ۔۔۔وائے قسمت۔۔۔۔3وزرائے اعظم کو خاک و خون میں لوٹا دینے والا شہر۔۔۔۔۔۔۔2وزرائے اعظم کی مقتل گاہ۔۔۔۔۔۔۔۔۔۔لیاقت باغ
کئی ایک وزرائے اعظم تخت اقتدار پر براجمان ہوئے۔۔۔۔ پھر وقت کی دھول میں گم۔۔۔۔۔ نہ مقصد نہ منزل نہ رستہ۔۔۔۔۔۔ نہ عزت نہ وفا نہ ایثار نہ قربانی۔۔۔۔۔۔
کچھ ارض مقدس کی حرمت پر قربان۔۔۔۔۔۔۔ یہی لوگ زندہ اور زندگی کا نشان۔۔۔۔۔۔۔۔۔۔۔۔۔۔!!!!
کچھ ظلم وجبر اور شب ظلمت کے آگے سینہ سپر۔۔۔۔ یہ لوگ جمہور کی روایات کے امین۔۔۔۔۔۔ تن من دھن خلق خدا پر قربان۔۔۔۔۔۔ خلق کی محبت۔خلق کی حکمرانی جن کا ایمان۔۔۔۔۔۔۔!!!!
’’شہید بھٹوز‘‘سے جڑا شہر بے حس۔۔۔۔۔ اور اک اجڑا باغ ،،،،،،،،،،،،،،، شہر پر نوحہ پڑھتی بے نظیر شہید کی یاد گار۔۔۔۔۔۔۔!!!!!!
ٹوٹ پھوٹ۔۔۔۔ شکستہ سامانی۔۔۔۔
لیاقت باغ سڑک کنارے۔۔۔۔۔۔شہید رانی کی ہاتھ لہراتی ۔۔۔۔مسکراتی تصویر سوالی ہے۔۔۔۔۔ کیا یہ ہے۔۔۔۔ قربانیوں کا صلہ۔۔۔۔؟؟ ملک۔قوم اور عوام سے محبت کا نجام۔۔۔!!!
قومی ہیروز کو بھلا دیں۔۔۔۔ خدمات فراموش۔۔۔۔ قربانیاں نظر انداز۔۔۔۔۔۔۔۔۔۔۔ یہ تو کھلی بے ضمیری ہے۔۔۔ احسان فراموشی ہے۔۔۔۔۔ وطن فروشی ہے۔۔۔۔۔۔!!!
کیا وطن کی حرمت پر بہنے ولا خون اتنا ارزاں ہے؟؟ یا قومی لیڈرز کی سوچ ارزاں۔۔۔۔۔ یا پھر یہ غفلت ہے۔۔۔ غفلت ہے تو بڑی مجرمانہ۔۔۔ ناقابل معافی۔۔۔۔۔۔
زندھ قومیں کا شیوہ احسان فراموشی ہر گز نہیں۔۔۔۔۔۔۔۔
بینظیر بھٹو کی یادگار، ،،، ایک عظیم لیڈر، جمہوریت کی علمبردار اور عوام کی آواز کی علامت۔۔۔۔۔۔۔۔۔۔۔ آج بے حسی کا نشان کیوں؟،،،،،،،،،،، یہ صرف ایک یادگار نہیں، بلکہ ایک جہد مسلسل۔۔۔۔۔۔۔۔، ایک خواب اور ایک نظریے کی علامت۔۔۔۔۔۔۔ جسے نظرانداز کرنا دراصل
ہماری سیاسی و قومی شعور کی کمزوری ہے۔ جب قوم اپنے محسنوں کی قربانیوں کو یوں فراموش کر دے، تو یہ صرف یادگار کی بے توقیری نہیں بلکہ اجتماعی ضمیر کی غفلت کا آئینہ دار ہوتا ہے۔
بینظیر بھٹو کی یادگار کی حالت زار اس بات کا ثبوت ہے کہ ہم بطور قوم اپنے ماضی، اپنی قیادت اور اپنی قربانیوں کو کتنی جلدی بھلا دیتے ہیں۔ ۔۔۔۔یہ یادگار محض چند پتھروں کا ڈھانچہ نہیں بلکہ ایک تاریخ، ایک عزم اور ایک ناقابل تسخیر حوصلے کی علامت ہے۔ جب اس مقام پر ویرانی چھا جاتی ہے، جب وہاں صرف خاموشی اور مٹی رہ جاتی ہے، تو یہ سوال جنم لیتا ہے کہ کیا ہم واقعی ان اقدار کے وارث ہیں جن کے لیے بینظیر بھٹو نے اپنی جان دی؟ یادگاروں کی بے توقیری دراصل اس سوچ کی عکاسی ہے جس میں ہم نے ماضی سے سبق سیکھنے کے بجائے اسے فراموش کرنا آسان سمجھ لیا ہے۔ ۔۔۔۔یہ رویہ نہ صرف ہماری شناخت کو دھندلا رہا ہے بلکہ مستقبل کے لیے بھی خطرے کی گھنٹی ہے۔
مسند اقتدار پر جلو گر۔۔۔۔۔ تخت پر براجمان صاحب عزت ہستیوں کا فرض ہے،، ان پر قرض ہے کہ ،،،،،،،وہ وطن کیلئے خون بہا دینے والے۔۔۔ ہیروز کی عزت و حرمت کا پاس کریں۔۔۔۔ اپنے خون سے گلستان وطن کی آبیاری کرنے والوں کا حق تو انہیں دیں۔۔۔۔۔۔ یہ اور کچھ نہیں مانگتے بس خون کی حرمت چاہتے ہیں۔۔۔۔۔ یاد گاروں کی یوں ویرانی خون کا صلہ نہیں۔۔۔۔
یہ تصویر دلگیر ہے۔۔درد و غم کی زنجیر ہے۔
