تحریر : شاہنواز خان
روئے زمین پہلا قتل لڑکی کی خاطر،،،،،،،،، آدمؑ کے دو بیٹوں کا قصہ ،انسانیت کیلئے سبق آموز اور۔۔۔۔۔۔۔ فیصلہ کن کہ کوئی گردن دوسرے کے گناہ کا بوجھ نہیں اٹھائے گی۔۔۔۔۔۔ قابیل نے اپنی پسند کی لڑکی سے شادی کیلئے اپنے بھائی ہابیل کو خون میں نہلا دیا۔۔۔۔۔ وحشت ،درندگی اورجنون مکروہ کو ٹھہراؤ آیا تو۔۔۔۔۔۔۔۔۔ فعل بد پر شرمسار ہوا،،،،،،،،،،،،،،
ہاتھ ملے،کپڑے پھاڑے۔۔۔ سر پر خاک ڈالی۔۔۔۔ہائے یہ کیا کر دیا؟؟؟
نسل انسانی آگے بڑھی۔۔ارتقائی عمل جاری رہا۔،،،،،،،،،خاتون کی بے توقیری بڑھتی چلی گئی۔۔۔ زمانہ جاہلیت اور پتھر کا دور۔۔ عزت ،حرمت نہ مقام۔۔۔۔ پیدا ہوتے ہی لڑکیاں’’ زندہ در گور‘‘۔۔۔۔۔۔ لڑکی ہونا جرم ٹھہرا جیسے یہ کوئی بے وقعت شئے۔۔۔۔۔۔ ۔۔۔۔۔ پھر آسمان کا زمین سے رشتہ استوار ہوا۔۔۔۔۔۔۔ رب کائنات کا آدم ؑ زاد سے رابطہ،،،،،،،،،
پیغمبر اسلام ،سرور عالم۔۔۔رحمۃ للعالمینﷺ نے ’’عورت‘‘ کی بے توقیری کی جڑ کاٹ ڈالی۔۔۔ خاتون ماں ہو بیٹی ہو ،بہن یا بیوی اسے اتنا سرفراز کیا کہ،،،،، تاریخ عالم مثال سے قاصر۔۔۔۔۔۔ کوئی خدیجہ الکبریٰ کے مقام پر فائز تو کوئی۔۔۔۔فاطمہ الزہراؑ بن کر جنت میں خواتین کی سرداری کے منصب پر فائز۔۔۔۔۔۔
اسلام امن ۔محبت،اخوت۔مساوات،انصاف اور برابری کا امین۔۔۔۔۔ ایک مکمل دستور حیات۔۔۔۔ہر ایک مر د و زن کا مرتبہ اور مقام متعین۔۔۔۔ شرعی ہوں کہ معاشرتی یا قانونی ہوں یا عائلی تما م مسائل اور فتنوں کا حل۔۔۔ اور کتاب مبین سےامر ربی موجود،،،،،،،
پھر زمانہ آگے بڑھا۔۔۔۔ ترقی پر ترقی۔۔۔نئی ایجادات نئے تجربے نئی سوچ۔۔سائنسی کمالات۔۔۔ خچر گھوڑے کا سفر،،،موٹر کار میں بدلا پھر ہوائی جہاز۔۔۔۔۔
انسان نے ستاروں پر کمند ڈالی۔۔۔۔ مگر انسانیت پتھر کے دور سے بھی زیادہ پستی کا شکار۔۔۔۔
عورت کی تذلیل پتھر کے دور سے بھی زیادہ۔۔۔۔ کاٹ ڈالو،،،، جلا ڈالو،،،، یا زندہ در گور۔۔۔۔۔ عورت جائز حقوق سے محروم۔۔۔۔ بے انصافی،،،زبان بندی،،، اور جاہلانہ رسومات کی سولی پر ٹنگی ہوئی۔۔۔۔۔یاس و حسرت کی تصویر۔۔۔ لاتعداد سوالات؟؟؟؟
افسوس صد افسوس!!!!!!!! وطن عزیز پاکستان ایسی ہی قبائلی رسومات،،،جرگہ سسٹم،،،،،، اور خواتین دشمن سرداری فیصلوں کا بوجھ آج بھی اپنے کندھوں پر اٹھائے ہوئے ۔۔۔۔۔ جاہلانہ نظام کے آگے سر نگوں ہے،،،،
ریاست کی رٹ ہے نہ ہی کوئی طاقت نہ ہی قانون کی عملداری۔۔۔۔ کوئی طاقتور ہے تو وہ ’’سرداری نظام اور جرگہ سسٹم‘‘
یہ کوئی افسانوی قصے یا کہانیاں نہیں اور نہ ہی شاعرانہ تخیل بلکہ ایک تلخ حقیقت اور۔۔۔وطن عزیز کے ماتھے پر بدنما داغ ہے،،،،،،
کسی کو جھوٹ لگے تو آئے،،،،،،بلوچستان کے علاقہ ڈیگاری کا چکر لگائے۔۔۔۔۔ ظالمانہ اور انسانیت سوزسرداری فیصلوں کی گونج،،،،،،سنگلاخ وادی میں ضرور سنائی دے گی۔۔ ایک سردار کے حکم پرایک جوڑے کا سر عام قتل،،،،گولیوں کی بوچھاڑ،،،،،،ریتلی زمین پر خون کی دھار۔۔۔۔۔ اور ظلم و بربریت کی انتہا کہ سار ا منظر موبائل فون پر ریکارڈ۔۔۔۔۔۔ ظالموں کو قانون کا خوف نہ ڈر،،،،،،،قتل کی ویڈیو بھی سوشل میڈیا پر چلوا دی،،،،،،،،، وڈیرے،سردار اور قبائلی لیڈر اتنے طاقتور،،،،،،، کہ ریاست بے بس۔۔۔۔بے بس نہیں بلکہ ریاست جرم میں برابر شریک،،،،،،،،،،
چشم تصور میں لائیے۔۔۔ قبائلی سردار نے پسند کی شادی پر گرفتار جوڑے کو اپنی عدالت میں لا کھڑا کیا،،،،،
فرد جرم سنائی۔۔
اور بولا’’ تمہارا جرم بھاگ جانا ،پسند کی شادی کرنا۔قبیلے کی عزت کو روندنا ہے‘‘
لڑکی نے قرآن پاک ہاتھ میں اٹھایا۔۔۔ایک سورت نکالی۔۔۔اردو میں ترجمہ کر کے جرگہ میں بیٹھے لوگوں کو سنایا ۔۔۔۔۔۔
اور پوچھا’’ مجھے ذرا بتاؤ۔۔قرآن مقدس میں کہاں لکھا ہے۔۔لڑکی پسند کی شادی نہیں کر سکتی‘‘
اس سوال پر پورا جرگہ خاموش۔۔کوئی جواب نہ دلیل۔۔۔۔
جب کچھ نہ بن پڑا تو سردار نے حکم صادر فرمایا ’’ تم دونوں(لڑکا لڑکی ) کی سزا تو صرف ایک ہے وہ بھی صرف موت!!!!!
اچانک سردار نے پانسہ پلٹا۔۔۔۔۔ لڑکی سے دوبارہ کہا’’ ہاں تمہیں معافی مل سکتی۔۔۔ صرف ایک صورت اور شرط پر‘‘
لڑکی بولی’’ کیا شرط؟؟؟‘‘
سردار نے کہا کہ’’ تم جرگہ کے سامنے کہہ دو کہ’’تم بے بس تھی،تمہارا کوئی قصور نہیں۔۔لڑکے نے زبردستی تمہارے ساتھ نکاح کیا اور ساتھ لے گیا‘‘
لڑکی نے جواب دیا’’ میں ایمان کا سودا کیوں کروں؟؟؟ ایسا کبھی نہیں کرونگی‘‘
اب ظالم سردار اور جرگہ والوں نے سخت سزا دینے کا پکا فیصلہ کرلیا۔۔۔۔۔
سردار بولا’’ ٹھیک ہے۔۔تم نے اپنا راستہ چن لیا تو تمہارے سامنے3سزائیں ہیں ایک کو چن لو‘‘
لڑکی بولی ’’کون سی سزائیں؟؟‘‘۔۔۔سردار نے کہا کہ’’ تم کو آ گ میں جلا دیا جائے یا زندہ در گور کیا جائے یا پھر گولی مار دی جائے،،،،بتا!! تم کون سے موت مرنا چاہو گی؟؟؟‘‘
لڑکی نے انتہائی ہمت،حوصلے اور بہادری سے کہا’’ گولی مار دی جائے اور میری میت کی بے حرمتی نہ کی جائے،،،،کوئی ہاتھ نہ لگائے‘‘
پھر سب نے دیکھا،،،ویگو ڈالے والے درجن بھر اسے آبادی سے دور ایک ویران مقام پر لے گئے۔۔۔ رشتہ دار اور بھائی بھی موجود۔۔۔ سب سزا دینے اور گولیاں چلانے کیلئے بیتاب۔۔۔۔ لڑکی گھبرائی نہ خوفزدہ ہوئی نہ موت کا ڈر۔۔۔ ایک شخص نے بازو پکڑنا چاہا تو سخت لہجے میں بولی’’ تمہیں گولی کی اجازت دی ہے ہاتھ لگانے کی نہیں‘‘۔۔۔۔۔۔ظالم اور بے رحم بولے ٹھیک ہے،،،،، آگے بڑھو۔۔۔۔ سرخ لباس اور گندمی چادر میں جسم کو ڈھانپے وہ آگے بڑھنے لگی تو ایک ،،،،، کمینہ فطرت بولا’’ اس کے ہاتھ سے قر آن لے لو‘‘ اس نے کلام مقدس،،،قاتلوں کو تھما دیا خود مقتل گاہ کو چل دی،،،،، ایک قدم دو،تین ،چارقدم،،،، وہ عزم و ہمت سے آگے بڑھتی چلی گئی،،،،ابھی 8قدم بڑھی تھی کہ یکبار گولی کی تڑتڑاہت سے فضا گونج اٹھی۔۔۔ دو گولیوں لگنے کے بعد وہ بدستور ۔۔قاتلوں کے سامنے ڈٹی کھڑی رہی،،،،پھر خود کار بندقوں کے منہ کھلے اور 7گولیاں ،، بنت حوا کے جسم کے آر پار،،،،،،وہ زمین پر گر پڑی،،،،،،، لڑکے کو13گولیاں مار کر جان لے لی گئی،،،،،
لڑکی کا نام کسی نے شیتل لیا تو کوئی اسے بانو کے نام سے پکار رہا ہے۔۔۔۔ نام کچھ بھی اس سے غرض نہیں۔۔۔۔
جرم تو بحرحال اپنی جگہ موجود رہیگا،،،،،،، ایک سوال تو ریاست سے بنتا ہے۔۔۔۔وہ ضرور کیا جائیگا کہ ریاسے آخر کار اتنی کمزور ارو بے بس کیوں ہے کہ زمینی خدا یوں ماورائے عدالت قتل کے فتوے صادر کر رہے ہیں،،، اور لاشیں گرا رہے ہیں۔۔۔۔ ان قبائلی رسومات اور جرگہ فیصلوں کی لاشیں آخر کون گرائے گا۔۔۔؟؟؟
آج پھر پتھر کا وہی دور۔۔۔ جاہلیت کا زمانہ لوٹ آیا ہے۔۔۔
تو یہ کہنا بنتا ہے کہ ’’۔۔اے آدم ؑ کے بیٹے قابیل آ۔۔
اور بلوچستان سے اپنے گناہ کا بوجھ اٹھا لے‘‘
