ایران اور امریکا نے ایٹمی پروگرام پر مذاکرات پر اتفاق کر لیا ہے، جو جمعہ کو استنبول میں ہوں گے۔ دفتر خارجہ کے مطابق پاکستان بھی ان اہم مذاکرات میں شریک ہوگا، جس سے خطے میں امن کی نئی امید پیدا ہو گئی ہے۔
عالمی اور مقامی گولڈ مارکیٹس میں تین دن کے وقفے کے بعد سونے اور چاندی کی قیمتوں میں نمایاں اضافہ ہوا ہے۔ پاکستان میں 24 قیراط فی تولہ سونا بڑھ کر 5 لاکھ 14 ہزار روپے سے تجاوز کر گیا، جبکہ عالمی مارکیٹ میں بھی سونے کے دام اچانک اوپر چلے گئے۔
ٹرمپ انتظامیہ کے پاکستان سمیت 75 ممالک کے لیے امیگرنٹ ویزوں کی پروسیسنگ معطل کرنے کے فیصلے کو امریکی عدالت میں چیلنج کر دیا گیا ہے۔ شہری حقوق کی تنظیموں کے ایک گروپ نے نیویارک کی وفاقی عدالت میں امریکی محکمہ خارجہ کے خلاف مقدمہ دائر کرتے ہوئے مؤقف اختیار کیا ہے کہ یہ پالیسی امریکا کے امیگریشن قانون کی دہائیوں پر محیط مستحکم بنیادوں کو شدید نقصان پہنچا رہی ہے۔
عمران خان اور بشریٰ بی بی کے طبی معائنے سے متعلق درخواست پر عدالت نے سخت نوٹس لیتے ہوئے سپرنٹنڈنٹ جیل کو ایک گھنٹے میں عدالت میں پیش ہونے کا حکم دے دیا، جبکہ جی ایچ کیو حملہ کیس میں وکلاء کی ملاقات کی درخواست بھی دائر کی گئی۔
وزیر دفاع خواجہ آصف نے قومی اسمبلی میں خطاب کرتے ہوئے کہا ہے کہ بلوچستان کے وسیع اور دشوار گزار جغرافیے کے باعث وہاں بڑے پیمانے پر فوجی اہلکاروں کی تعیناتی ناگزیر ہے۔ انہوں نے اسمگلنگ، علیحدگی پسند عناصر، دہشت گردی اور احساسِ محرومی کے بیانیے پر تفصیلی روشنی ڈالی اور کہا کہ سرداری نظام اور جرائم پیشہ گروہوں نے صوبے کے وسائل کو نقصان پہنچایا ہے۔
ملک بھر میں آج سے انسدادِ پولیو مہم کا آغاز ہو گیا، وزیراعظم کی فوکل پرسن عائشہ رضا کا کہنا ہے کہ پولیو کا خاتمہ حکومت کی اولین ترجیحات میں شامل ہے۔
پاک فوج کے شعبہ تعلقات عامہ کے سربراہ لیفٹیننٹ جنرل احمد شریف چوہدری نے یونیورسٹی آف تربت میں اساتذہ اور طلبہ سے خصوصی معلوماتی نشست کے دوران قومی سلامتی، نوجوانوں کے کردار اور درپیش چیلنجز پر تفصیلی گفتگو کی۔
رکن صوبائی اسمبلی علی مدد جتک کو بلوچستان کا نیا وزیر داخلہ مقرر کر دیا گیا ہے۔ وہ آج گورنر بلوچستان سے اپنے عہدے کا حلف اٹھائیں گے۔ صوبائی وزیر داخلہ کا قلمدان گزشتہ دو برس سے وزیراعلیٰ کے پاس تھا، جو اب علی مدد جتک کو سونپ دیا گیا ہے۔ سیاسی حلقوں کے مطابق نئی تقرری سے صوبے میں امن و امان اور داخلی سلامتی کے امور میں بہتری کی توقع کی جا رہی ہے۔
پاکستان میں سونے کی قیمت میں بڑی کمی کا سلسلہ جاری ہے، کاروباری ہفتے کے پہلے روز بھی فی تولہ سونا 21 ہزار 500 روپے مزید سستا ہو گیا، عالمی مارکیٹ میں بھی قیمتیں نیچے آ گئیں۔
اسلام آباد میں وزیراعظم شہباز شریف اور وزیراعلیٰ خیبر پختونخوا سہیل آفریدی کے درمیان اہم ملاقات ہوئی، جس میں صوبے کی سیکیورٹی صورتحال، دہشت گردی، وفاقی واجبات، وادی تیراہ میں آپریشن اور 8 فروری کے ممکنہ احتجاج پر تفصیلی تبادلہ خیال کیا گیا۔
