پاکستان ازبکستان بزنس فورم میں صدر شوکت مرزائیوف نے پاکستانی تاجروں کو 10 سال کیلئے ٹیکس فری سہولت دینے کا اعلان کردیا جبکہ وزیراعظم شہباز شریف نے باہمی تجارت کو 2 ارب ڈالر تک لے جانے کا ہدف مقرر کر دیا۔
ایران امریکا مذاکرات سے قبل عالمی منڈی میں خام تیل کی قیمتوں میں کمی دیکھنے میں آئی، برطانوی اور امریکی خام تیل تین فیصد سے زائد گر گئے۔
امریکا نے ایران میں مقیم امریکی شہریوں کو فوری طور پر ملک چھوڑنے کا مشورہ دیتے ہوئے سفری انتباہ جاری کر دیا ہے۔ امریکی ورچوئل ایمبیسی کے مطابق خطے میں بڑھتی کشیدگی کے باعث پروازوں میں تعطل کا خدشہ ہے۔
عمان کے دارالحکومت مسقط میں امریکا ایران مذاکرات آج کچھ دیر بعد شروع ہوں گے۔ یہ براہِ راست بات چیت ہوگی جس میں کسی تیسرے ملک کی شرکت شامل نہیں۔ مذاکرات میں ایران کی نمائندگی وزیر خارجہ عباس عراقچی جبکہ امریکا کی جانب سے صدر ڈونلڈ ٹرمپ کے خصوصی نمائندے سٹیو وٹکاف کریں گے۔
ایران میں قوانین میں ترمیم کے بعد خواتین کو موٹر سائیکل چلانے، تربیت لینے اور باضابطہ لائسنس حاصل کرنے کی اجازت دے دی گئی ہے، جسے خواتین کے حقوق کی جانب ایک اہم پیش رفت قرار دیا جا رہا ہے۔
ازبکستان کے صدر کا دورہ پاکستان دوطرفہ تعلقات کے فروغ کی جانب اہم قدم، نور خان ایئر بیس پر صدر زرداری اور وزیراعظم شہباز شریف نے توپوں کی سلامی کے ساتھ استقبال کیا۔
ٹرمپ انتظامیہ کے پاکستان سمیت 75 ممالک کے لیے امیگرنٹ ویزوں کی پروسیسنگ معطل کرنے کے فیصلے کو امریکی عدالت میں چیلنج کر دیا گیا ہے۔ شہری حقوق کی تنظیموں کے ایک گروپ نے نیویارک کی وفاقی عدالت میں امریکی محکمہ خارجہ کے خلاف مقدمہ دائر کرتے ہوئے مؤقف اختیار کیا ہے کہ یہ پالیسی امریکا کے امیگریشن قانون کی دہائیوں پر محیط مستحکم بنیادوں کو شدید نقصان پہنچا رہی ہے۔
امریکا اور ایران کے درمیان کشیدگی میں کمی کے بعد عالمی منڈی میں تیل کی قیمتوں میں بڑی گراوٹ دیکھی گئی ہے، خام تیل کی قیمتوں میں ایک ہی دن میں 5 فیصد سے زائد کمی ریکارڈ کی گئی۔
ایران کے سپریم لیڈر آیت اللہ خامنہ ای نے امریکا کو خبردار کرتے ہوئے کہا ہے کہ اگر ایران پر حملہ کیا گیا تو اس کے اثرات پورے مشرقِ وسطیٰ میں پھیلیں گے۔ انہوں نے امریکی صدر ڈونلڈ ٹرمپ کی دھمکیوں کو مسترد کرتے ہوئے کہا کہ ایرانی قوم دباؤ یا دھمکیوں سے خوفزدہ نہیں ہوتی۔
بنگلہ دیش نے چٹاگانگ میں مجوزہ انڈین اکنامک زون منصوبہ منسوخ کرنے کا اعلان کرتے ہوئے اس مقام پر دفاعی صنعتی پارک قائم کرنے کا فیصلہ کرلیا ہے۔ بنگلہ دیش اکنامک زونز اتھارٹی کے مطابق یہ فیصلہ عالمی سیکیورٹی صورتحال اور دفاعی خود کفالت کو مدنظر رکھتے ہوئے کیا گیا ہے۔ حکام کا کہنا ہے کہ جدید دفاعی آلات کی مقامی تیاری وقت کی اہم ضرورت بن چکی ہے۔
