سوات کے شہر مینگورہ اور گردونواح میں زلزلے کے شدید جھٹکے محسوس کیے گئے جس کے باعث شہری خوفزدہ ہو کر گھروں سے باہر نکل آئے، زلزلہ پیما مرکز کے مطابق زلزلے کی شدت 4.7 اور گہرائی 8 کلومیٹر ریکارڈ کی گئی۔
حکومتِ پاکستان اور جاپان کے درمیان جنوبی پنجاب میں بچوں کی صحت کے منصوبوں کے لیے 18.62 ملین ڈالر کا گرانٹ معاہدہ طے پا گیا ہے۔ اس رقم سے ملتان چلڈرن اسپتال کو اپگریڈ کیا جائے گا، جس سے خطے میں طبی سہولیات کو عالمی معیار کے مطابق بنانے میں مدد ملے گی۔
لاہور الیکٹرک سپلائی کمپنی (لیسکو) نے جولائی سے دسمبر کے دوران ایک لاکھ 24 ہزار سے زائد نئے بجلی کنکشن فراہم کر کے توانائی کے شعبے میں نمایاں پیش رفت حاصل کر لی، جبکہ نیٹ میٹرنگ کے ذریعے 1900 میگاواٹ سولر بجلی نیشنل گرڈ میں شامل ہو چکی ہے۔
ٹانک میں پولیس کی بکتر بند گاڑی آئی ای ڈی دھماکے میں تباہ، ایس ایچ او سمیت 6 اہلکار شہید جبکہ لکی مروت میں مزید 3 پولیس اہلکار زخمی ہو گئے۔
لاہور ہائیکورٹ نے آوارہ کتوں کو فائرنگ اور زہر کے ذریعے مارنے کے خلاف دائر درخواست پر پنجاب حکومت اور متعلقہ سیکرٹریز کو نوٹس جاری کر دیے ہیں۔ درخواست گزار نے عدالت سے استدعا کی ہے کہ جانوروں کو مارنے کے بجائے ویکسینیشن اور نیوٹرنگ کی جدید پالیسی اپنائی جائے تاکہ انسانی جانیں اور جانوروں کے حقوق دونوں محفوظ رہ سکیں۔
ایف بی آر کی سینئر قیادت نے کسٹمز ہاؤس کوئٹہ کا دو روزہ دورہ کیا، جس میں انسدادِ اسمگلنگ کی حکمت عملی کو مزید سخت کرنے اور سیکیورٹی اداروں کے ساتھ مل کر بارڈر مینجمنٹ کو بہتر بنانے پر اتفاق کیا گیا۔ دورے کے دوران تجارتی مسائل کے حل اور محصولات کی وصولی میں بہتری کے لیے اہم اقدامات کی منظوری دی گئی۔
لاہور میں برائلر گوشت کی قیمت بظاہر برقرار ہے مگر سرکاری نرخ 595 روپے فی کلو کے باوجود اوور چارجنگ کا سلسلہ جاری ہے۔ شہر کے مختلف علاقوں میں دکاندار من مانے دام وصول کر رہے ہیں، جبکہ فارمی انڈوں کی قیمتوں نے بھی شہریوں کو پریشان کر دیا ہے۔
چمن میں آٹے کی قیمتوں میں اچانک اور بڑا اضافہ دیکھنے میں آیا ہے، جہاں ایک ہفتے کے دوران 100 کلو آٹے کی بوری 2500 روپے مہنگی ہو گئی۔ پنجاب سے آٹے کی ترسیل بند ہونے کے باعث قیمتیں آسمان سے باتیں کرنے لگیں، جس سے عوام شدید مشکلات کا شکار ہو گئے ہیں۔
خیبر پختونخوا میں دو انٹیلی جنس بیسڈ آپریشنز کے دوران سیکیورٹی فورسز نے 11 دہشت گردوں کو ہلاک کر دیا، آئی ایس پی آر
لاہور بار ایسوسی ایشن کے سالانہ انتخابات بائیو میٹرک طریقے سے کرانے کا فیصلہ، 8 نشستوں پر 27 امیدوار مد مقابل، 15 ہزار سے زائد ووٹرز حق رائے دہی استعمال کریں گے۔
