چینی وزارت تجارت کا آئندہ 5 سالہ منصوبہ: پرچون شعبے میں اختراع اور معیاری ترقی پر فوکس
چین پرچون شعبے میں اختراع کو نئی سمت دینے کے لیے چینی وزارت تجارت نے آئندہ 15ویں 5 سالہ منصوبے (2026–2030) کے دوران بڑے پیمانے پر پالیسی اور تکنیکی اصلاحات کا اعلان کر دیا ہے۔
بیجنگ میں پریس بریفنگ کے دوران وزارت کے ترجمان حہ یادونگ نے بتایا کہ حکومت کا پہلا ہدف پرچون شعبے میں اختراعی تبدیلی کو تیز کرنے کے لیے جامع رہنما خطوط جاری کرنا ہے۔
ترجمان نے کہا کہ آنے والے سالوں میں پرچون صنعت کو جدید ٹیکنالوجی، معقول حکمت عملی، مربوط منصوبہ بندی اور عالمی معیار کی اشیاء و خدمات کی فراہمی کے ساتھ نئے معاشی دور میں داخل کیا جائے گا۔
ان کے مطابق چین کا مقصد یہ ہے کہ نئی رسد (New Supply) اور نئی طلب (New Demand) کے درمیان ایک مثبت دائرہ (Positive Cycle) تشکیل دیا جائے، تاکہ معیشت میں تسلسل کے ساتھ نمو برقرار رہے۔
وزارت نے تصدیق کی کہ حکومت پرچون شعبے میں سرمایہ کاری، اختراع، لاجسٹکس، ڈیجیٹل ٹیکنالوجی اور آن لائن ریٹیل کے فروغ کے لیے مزید پالیسی سپورٹ فراہم کرے گی۔
اس منصوبے سے چین نہ صرف اپنی داخلی مارکیٹ کو مستحکم کرے گا بلکہ عالمی سطح پر بھی پرچون صنعت میں مسابقت بڑھانے کی پوزیشن میں آئے گا۔
One Response