لے آؤ اپنے اہل و عیال کو۔۔۔خود بھی آؤ۔۔۔اگرتم سچے ہو !!!

تحریر:شاہنواز خان

پی ٹی آئی احتجاجی تحریک اور مزاحمت کو دھچکا،،،،،،،بانی نے اپنے بچوں کو پاکستان آنے سے روک دیا۔۔۔۔۔
اگر تم حق پر ہو۔۔۔۔ تو لے آؤ اپنے اہل و عیال کو،،،،،،، تم خود بھی آ جاؤ۔۔۔۔۔ فرنٹ سے کرو لیڈ اگر سچے ہو۔۔۔۔جذبہ حریت اور ایمان کی طاقت ہے تو پھر گھبراہٹ کیسی؟۔۔۔۔۔ پریشانی کیونکر؟۔۔۔ تمہیں یقین ہے کہ تمہارا مد مقابل باطل ہے۔جھوٹ ہے۔۔ مکر و فریب ہے،،،،،،،تمہار ا راستہ سیدھا اور کھرا۔۔۔۔۔ تو پھر لڑو بڑی لڑائی،،،،،،،،،گھمسان کی جنگ۔۔۔۔ ۔ اترو میدان کارزار میں اہل و عیال سمیت۔ ۔۔۔۔۔۔۔ کرو ظلم سے بغاوت۔لڑو جبرسے طاغوت سے،،،،،،،،،،،، یہ لڑائی ہے بغاوت ہے نظام کیخلاف یا مزاحمت ہے جبر کیخلاف۔۔۔۔ خون تو بہے گا،،،جان بھی جائیگی۔۔۔۔۔ تم سچے کھرے اور مخلص لیڈر ہو تو لگاؤ سر دھڑ کی بازی۔۔۔ بازی بھی ایسی کی فرنٹ پر تم خود۔۔۔۔۔۔تمہارے بچے،تمہارے اہل و عیال۔۔۔۔ اب لڑولڑائی کرو جنگ۔۔۔۔احتجاجی اور مزاحمتی تحریکیں،،،،،،، انسانی تاریخ کا ایک لازمی جزو۔۔۔۔۔ یہ تحریکیں ظلم، جبر، ناانصافی اور استبداد کے خلاف۔۔۔۔۔۔۔۔۔۔ اجتماعی شعور اور عمل کی نمائندہ آوازیں۔۔۔۔۔
دنیا کی مزاحمتی تحاریک اور تاریخ شواہد ہے۔۔۔۔۔۔ اگر کچھ شک ہو تو کتب تاریخ کو کھول لیتے ہیں۔۔۔۔
دور قدیم میں چلے جاتے ہیں۔۔۔۔۔ حضرت موسیٰؑ اور فرعون مصر کی تاریخ اٹھا لیں۔۔۔۔ جابر حکمران کی بنی اسرائیل پر غلامی۔۔۔۔۔ قتلِ اولاد،،،،،،،،،،، اور بد ترین طوق مشقت،،،،،،، حضرت موسیؑ کا ایمان و سچ۔۔۔سو فیصد گمان نہ کوئی شائبہ۔۔۔۔۔۔۔ جابر کا ڈر نہ ظالم کا خوف۔۔۔۔۔ تاریخ کے طاقتور ترین زمینی خدا کے سامنے ڈٹ گئے۔۔۔۔۔۔۔۔۔۔۔ بنی اسرائیل نے مصائب جھیلے،،،،ہجرت کرنی پڑی۔۔۔۔۔۔۔ اپنے سچے ہونے کاایمان اس قدر مضبوط کہ۔۔۔۔۔۔۔۔۔سمندر میں لاکھوں بنی اسرائیلوں سمیت کود پڑے۔۔۔ گھبراہٹ نہ خوف نہ کوئی ڈر۔۔۔۔۔ چلو کتاب تاریخ کا ایک ورق اور پلٹتے ہیں۔۔۔۔۔۔۔
ملک شام و فلسطین چلتے ہیں۔۔۔۔۔ حق کا دشمن ایک جابر اور ظالم بادشاہ’’ ہیرودیس‘‘ دربار سجائے بیٹھا ہے۔۔۔۔ جھوٹ اور عوام دشمن حکومت،،،،،،،،،،درباری اور حواری سب بادشاہ کے ہم زبان،،،،،،،،،،
جھوٹے مکار فریبی۔۔۔۔۔ عوام کے حقوق اور ایمان کا پاسبان ایک شخص ( حضرت یحییؑ)جسے اپنے سچے ہونے کا اس قدر یقین تھا کہ باطل سے ٹکرا گیا۔۔۔۔۔۔۔۔ لوگوں کو آگے نہیں کیا،،،،،،کوئی ساتھی یا مددگار نہیں بلائے،،،،،،،،،،، وہ سچا تھا خود آگے بڑھا،،،،،،، ظالم بادشاہ نے کہا ’’مجھ پر حکومت پر لعن طعن سے باز آ جاؤ‘‘۔۔۔۔۔ لوگوں کو کیوں ابھارتے ہو۔۔۔ سچ جھوٹ کیا ہے یہ قصہ رہنے دو کچھ مال لو اور جاؤ اپنا کام کرو‘‘۔۔۔۔۔۔ مگر اسے تو عوام کو طوق غلامی سے نجات دلانی تھی۔۔۔۔۔ جبر سے ٹکرانا تھا سو ٹکرا گیا۔۔۔۔۔۔پھر کیا تھا اہل دربار،حواریوں و عام و خاص نے۔۔۔۔۔۔ ایک تھال میں حضرت یحییؑ کا کٹا سر دیکھا۔۔۔۔سر کٹ گیا ظالم کے سامنےجھکا نہیں۔۔۔۔۔۔
اب چلتے ہیں مدینہ منورہ۔۔۔۔مسجد نبوی ہے،،،،نجران کے دو عیسائی عالم دونوں سگے بھائی۔۔۔۔ نجران سے مدینہ کا طویل سفر اور مشقت کاٹی۔۔۔۔ سچ و جھوٹ میں تمیز کیلئے۔۔۔ خود کو سچا گردانتے تھے سو آ گئے میدان میں مقابلہ کرنے کو۔۔۔۔۔ پھر کیا کائنات کے سچے ترین شخص ،،، رسالت مآب ختم الرسل حضر محمد صل اللہ و علیہ وسلم نکلے اور نجرانی مہمانوں کو کہا۔۔۔۔۔’’لے آؤ اپنے اہل و عیال،،تم خود بھی آؤ،،،،،نکلو ایک میدان میں اگر تم سچے ہو‘‘۔۔۔۔۔۔ مگر کوئی نکلا نہ آگے بڑھا۔۔۔۔۔۔
کتاب عالم تاریخ کا ایک ورق پلٹتے ہیں،،،،،،میدان کربلا ہے۔۔۔ ایک طرف ظالم طاقتور اور عوام دشمن اور گمراہ دین یزید ہے،،،،،،،لاکھوں کا لشکر،،گھوڑے تیر ہتھیار ،،،،طاقت،،،،، دوسری طرف سید الشھدا حضرت امام حسین علیہ السلام۔۔۔۔ طاقت اور جبر پوری قوت سے مظلوم سے ٹکرایا۔۔۔۔۔ سچ پوری قوت و شان سے کھڑ ارہا۔۔۔ لڑا ور اپنے پورے خاندان بیوی ،بچوں،رشتہ داروں اور 72جان نثاروں سمیت خون میں لت پت ہو گیا مگر جابر حکومت کے سامنے سر تسلیم خم نہ کیا۔۔۔۔۔۔
کچھ سمجھ میں آیا کہ مزاحمت کیا ہوتی ہے،،،،جبر کے سامنے صبر ،،،،، ظالم کے مقابل ڈٹ جانا ہی جذبہ حریت ہے۔۔۔۔ چلو اپنے وطن عزیز کی تاریخ ہی پلٹ دیکھو۔۔۔۔۔ طاغوتی مائنڈ سیٹ کیخلاف علم بغاوت کیسے بلند ہوا۔۔۔ مزاحمت کاسر خیل کون ہے۔۔۔۔۔کون بیوی بچوں سمیت مقتل گاہ تک گیا۔۔۔۔۔۔۔یہ بھٹوز ہیں۔۔بھٹوز جابر ظالم اور عوام دشمن طاقت کے سامنے ڈٹ جانے کا استعارہ۔۔۔۔عوام کا درد،عوام کی تکالیف کیلئے قربانیاں۔۔۔۔ یہ بھٹوز کی شان اور روایت ہے۔۔۔۔۔ فخر ایشیا ذوالفقار علی بھٹو دار پر جھول گئے،،،،ایک ڈکٹیٹر کے سامنے سر نہیں جھکایا،،،،،،،،، لڑائی لڑی جان دی عوام کیلئے ۔۔۔ نصرت بھٹو ڈنڈے کھائے،،سر پھوٹا۔۔چہرہ لہو میں تر مگر عزم و حوصلہ بلند۔۔۔۔۔۔ پھر گردش ایام نے پلٹا کھایا بھٹوز کوشاید ابھی اور قربانی پیش کرنا تھی۔۔۔۔ راولپنڈی لیاقت باغ تو یاد ہوگا نا،،،،جہاں ایک زور دار دھماکا ہوا۔۔فائرنگ ہوئی اسلامی دنیا کی پہلی خاتون وزیراعظم محترمہ بے نظیر بھٹو فرنٹ سے لیڈ کرتی ہوئی وطن پر قربان ہو گئیں۔۔۔۔۔ جنگ لڑناہے تو ضرور لڑو۔۔۔۔میدان میں خود لیڈ کرو،،،فرنٹ پر آؤ۔۔۔۔۔۔ ،، اپنے بچوں کو لاؤ۔۔۔۔۔۔۔یہ کیسا جذبہ حریت ہے کہ دوسروں کے بچوں کو میدان میں لاتے ہو خون میں نہلاتے ہو اور ۔۔۔۔اب اپنے بچوں کو تحریک چلانے سے روک دیا۔۔۔۔۔۔۔
اگر تم سچے ہو۔جبر و ظلم کیخلاف جنگ لڑنا ہے تو ۔۔لے آؤ اپنے اہل و عیال کو ۔۔۔۔ تم خود بھی آ جاؤ فرنٹ سے لیڈ کرو۔