ایران میں احتجاج: انتہائی حالات میں آیت اللہ خامنہ ای کا پلان بی روس منتقلی کی تیاری، آیت اللہ خامنہ ای نے ان احتجاجات کو ’’فسادی‘‘ قرار دیتے ہوئے سیکیورٹی اداروں کو سخت ردِعمل کی ہدایت۔
ایران کے سپریم لیڈر آیت اللہ علی خامنہ ای نے ملک میں جاری حکومت مخالف مظاہروں اور بڑھتے ہوئے دباؤ کے پیشِ نظر مبینہ طور پر ایک متبادل حکمتِ عملی، جسے ’’پلان بی‘‘ کہا جا رہا ہے، تیار کر لی ہے۔ رپورٹس کے مطابق اگر صورتحال قابو سے باہر ہوئی تو وہ ایران چھوڑ کر روس منتقل ہو سکتے ہیں۔
برطانوی اخبار دی ٹائمز کی شائع کردہ ایک انٹیلی جنس رپورٹ کے مطابق، اگر ایران میں احتجاج اس حد تک شدت اختیار کر گیا کہ سیکیورٹی فورسز مظاہرین سے نمٹنے میں ناکام ہو جائیں یا حکومتی احکامات ماننے سے انکار کر دیں، تو سپریم لیڈر آیت اللہ خامنہ ای کا پلان بی روس منتقلی کا امکان موجود ہے۔
رپورٹ میں کہا گیا ہے کہ آیت اللہ خامنہ ای اپنے قریبی حلقے، اہلِ خانہ اور ممکنہ طور پر اپنے بیٹے مجتبیٰ خامنہ ای کے ہمراہ روس منتقل ہونے کے منصوبے پر غور کر رہے ہیں۔ انٹیلی جنس ذرائع کے مطابق ماسکو کو ایک محفوظ پناہ گاہ کے طور پر دیکھا جا رہا ہے، جیسا کہ ماضی میں بعض دیگر علاقائی رہنماؤں نے کیا۔
ذرائع کا کہنا ہے کہ روس کے ساتھ ایران کے مضبوط سفارتی تعلقات اور سیاسی حمایت اس ممکنہ انتخاب میں اہم کردار ادا کر رہے ہیں۔ دوسری جانب ایران میں مہنگائی، کرنسی کی قدر میں شدید کمی، بے روزگاری اور امریکی پابندیوں کے باعث عوامی اضطراب میں اضافہ ہوا ہے، جس کے نتیجے میں بڑے پیمانے پر احتجاجی مظاہرے دیکھنے میں آ رہے ہیں۔
یاد رہے کہ ایران کی سیکیورٹی فورسز، جن میں پاسدارانِ انقلاب، پولیس اور بیسیج شامل ہیں، پر مظاہروں کو روکنے کے لیے سخت اقدامات کا دباؤ بڑھ رہا ہے۔ آیت اللہ خامنہ ای نے ان احتجاجات کو ’’فسادی‘‘ قرار دیتے ہوئے سیکیورٹی اداروں کو سخت ردِعمل کی ہدایت بھی کی تھی۔
اس تناظر میں امریکی صدر ڈونلڈ ٹرمپ کی جانب سے ایران کو متنبہ کیا گیا کہ اگر مظاہرین کے خلاف حد سے زیادہ طاقت استعمال کی گئی تو امریکا سخت ردِعمل دے سکتا ہے۔ انہی خدشات کے پس منظر میں آیت اللہ خامنہ ای کا پلان بی روس منتقلی کی رپورٹس سامنے آئی ہیں۔
دوسری جانب بعض رپورٹس میں یہ بھی دعویٰ کیا جا رہا ہے کہ امریکی کارروائیوں کی مثالیں خطے میں قیادت کے لیے تشویش کا باعث بن رہی ہیں، تاہم ان دعوؤں پر مختلف فریقین کی جانب سے باضابطہ تصدیق سامنے نہیں آئی۔
Ayatollah Khamenei plans to flee to Moscow if Iran unrest intensifies https://t.co/y7J1gsRXxX
— The Times and The Sunday Times (@thetimes) January 5, 2026
