محسن نقوی کا قومی ہاکی ٹیم سے ملاقات، اظہارِ یکجہتی اور ورلڈکپ کوالیفائر کیلئے فوری اقدامات کا اعلان، آج رات تک تمام انتظامات مکمل کیے جائیں تاکہ کھلاڑی بھرپور تیاری کے ساتھ میدان میں اتر سکیں
لاہور: محسن نقوی نے قومی ہاکی ٹیم کے کھلاڑیوں سے اہم ملاقات کے دوران کھلاڑیوں کے ساتھ ہونے والے ناروا سلوک پر افسوس کا اظہار کیا اور فوری اقدامات کا اعلان کرتے ہوئے کہا کہ ہاکی ٹیم کی مکمل سرپرستی کی جائے گی اور ورلڈکپ کوالیفائر کی تیاریوں میں کوئی کمی نہیں آنے دی جائے گی۔
ہاکی کیمپ کل سے شروع کرنے کا اعلان
چیئرمین پاکستان کرکٹ بورڈ نے ہدایت جاری کرتے ہوئے کہا کہ ہاکی ورلڈکپ کوالیفائر کے لیے تربیتی کیمپ فوری طور پر قائم کیا جائے اور اس کا آغاز کل سے یقینی بنایا جائے۔
محسن نقوی کا قومی ہاکی ٹیم سے ملاقات میں متعلقہ حکام کو ہدایت دی کہ آج رات تک تمام انتظامات مکمل کیے جائیں تاکہ کھلاڑی بھرپور تیاری کے ساتھ میدان میں اتر سکیں۔
کھلاڑیوں کیلئے سہولیات کی فراہمی
محسن نقوی نے واضح کیا کہ ہاکی کھلاڑیوں کو درپیش تمام مسائل فوری حل کیے جائیں گے۔ انہوں نے حکم دیا کہ:
کھلاڑیوں کے سفر کے لیے ٹکٹس کا فوری بندوبست کیا جائے
نئی اور معیاری جرسی فراہم کی جائے
ہوٹل رہائش کے بہترین انتظامات کیے جائیں
انہوں نے کہا کہ قومی ٹیم کو وہ تمام سہولیات فراہم کی جائیں گی جو کسی بھی پیشہ ور ٹیم کا حق ہیں۔
زخمی کھلاڑیوں کے علاج کی ذمہ داری
چیئرمین پی سی بی محسن نقوی کا قومی ہاکی ٹیم سے ملاقات میں اعلان کیا کہ زخمی ہاکی کھلاڑیوں کا مکمل علاج پاکستان کرکٹ بورڈ کے زیر اہتمام کیا جائے گا تاکہ کوئی بھی کھلاڑی فٹنس مسائل کی وجہ سے پیچھے نہ رہ جائے۔
“آپ صرف کھیل پر توجہ دیں”
محسن نقوی نے کھلاڑیوں سے گفتگو کرتے ہوئے کہا:
"آپ صرف کھیل پر توجہ دیں، پاکستان کی عزت سب سے پہلے ہے، ہم کسی بھی صورت ملک کے وقار پر حرف نہیں آنے دیں گے۔”
ان کا کہنا تھا کہ حکومت اور ادارے کھلاڑیوں کے ساتھ کھڑے ہیں اور انہیں ہر ممکن سہولت فراہم کی جائے گی۔
نیشنز کپ میں شاندار کارکردگی پر انعام
محسن نقوی کا قومی ہاکی ٹیم سے ملاقات کے دوران محسن نقوی نے حالیہ نیشنز کپ میں رنر اپ آنے پر قومی ہاکی ٹیم کے کھلاڑیوں کو 10، 10 لاکھ روپے کے چیکس بھی دیے۔
انہوں نے کھلاڑیوں کی کارکردگی کو سراہتے ہوئے کہا کہ ٹیم نے محدود وسائل کے باوجود بہترین کھیل پیش کیا اور قوم کا سر فخر سے بلند کیا۔
کھلاڑیوں کا اظہارِ تشکر
قومی ہاکی ٹیم کے کھلاڑیوں نے چیئرمین پی سی بی کی جانب سے حوصلہ افزائی اور فوری اقدامات پر شکریہ ادا کیا۔
کھلاڑیوں کا کہنا تھا کہ انہیں طویل عرصے بعد ایسا احساس ہوا ہے کہ ان کے مسائل کو سنجیدگی سے لیا جا رہا ہے اور امید ہے کہ اس کے مثبت نتائج سامنے آئیں گے۔
ہاکی کی بحالی کی امید
یہ پیش رفت ایسے وقت میں سامنے آئی ہے جب پاکستان میں ہاکی کا کھیل مختلف مسائل کا شکار رہا ہے۔ ماہرین کے مطابق اگر اسی طرح کھلاڑیوں کی سرپرستی جاری رہی تو پاکستان ہاکی ایک بار پھر عالمی سطح پر اپنا مقام حاصل کر سکتی ہے۔
یہ خبر پاکستان میں ہاکی کے فروغ کے لیے ایک مثبت قدم کے طور پر دیکھی جا رہی ہے، اور امید ظاہر کی جا رہی ہے کہ ان اقدامات سے قومی ٹیم کی کارکردگی میں واضح بہتری آئے گی۔
After cricket, PCB chairman Mohsin Naqvi comes in to save Pakistan’s hockey 🇵🇰💚
He is meeting Pakistan’s hockey players right now and also giving them rewards. He’s here to listen to their issues. What a step ♥️🤝 pic.twitter.com/dn9qnxapBf
— Farid Khan (@_FaridKhan) February 19, 2026
